O‘zbekistonda chaqaloq savdosi bilan bog‘liq jinoyatlarda aybdor deb topilgan fuqarolarga nisbatan yengil jazolar qo‘llanilmoqda. Bu haqda 4-dekabr, juma kuni o‘tkazilgan Odam savdosi va majburiy mehnatga qarshi kurashish Milliy komissiyasining navbatdagi yig‘ilishida ma’lum qilindi, deya xabar bermoqda “Daryo” muxbiri.
Oliy Majlis Senati raisi Tanzila Norboyevaning ta’kidlashicha, 2019—2020-yillarda chaqaloq savdosi bilan bog‘liq jinoyatlarda 49 nafar ota-ona va 38 nafar vositachi ayblanib, jinoiy javobgarlikka tortilgan.
“Bu borada ham ayrim kamchiliklar mavjud, xususan, aybdorlarga nisbatan jazo choralarini qo‘llashda yengilliklar berib yuborilmoqda. Misol uchun, oxirgi ikki yil ichida farzandini sotgan ota-onalarning 38,8 foiziga, vositachilarning esa bor-yo‘g‘i 5,2 foiziga qamoq chorasi qo‘llanilgan, xolos. Qolganlariga esa sinov muddati, axloq tuzatish ishlariga jalb etish kabi choralar qo‘llanilgan”, — dedi Norboyeva.
Mavzuga doir:
- Tanzila Norboyeva bir yilda ota-ona qaramog‘idan mahrum bo‘lgan bolalarning qanchasi oilalarga farzandlikka berilayotganini ma’lum qildi
- O‘zbekistonda chaqaloqlar savdosi yildan yilga ortib bormoqda. Bunday jinoyatlarning sabablari ma’lum qilindi
- Senat raisi tug‘ruqxona shifokorlari orasida qalbaki hujjatlar tayyorlab, chaqaloqni “o‘ldi”ga chiqarayotganlar ham aniqlanayotganini aytdi
- Sirdaryoda to‘rt kunlik chaqalog‘ini 20 ming dollarga sotayotgan ayol qo‘lga olindi
Izoh (0)