Ledi Gaga o‘zining Instagram sahifasida kutilmagan hamkorlik haqida post qoldirdi. Unga ko‘ra, yulduz Oreo brendi bilan birgalikda o‘zining shirinliklarini ishlab chiqardi, deb yozadi Esquire.
Hamkorlik Lady Gaganing yangi “Chromatica” albomini chiqarishga bag‘ishlangan, ya’ni shirinliklar 2020-yilning may oyida chiqarilgan albomning o‘ziga xos mahsuloti hisoblanadi. “Biz Chromatica Oreo’ni yaratish — yaxshi g‘oya, deb o‘yladik”, − deydi Ledi Gaga Instagram sahifasida joylashtirilgan videoda.
Shirinlik klassik Oreo singari ikki qatlamdan iborat bo‘lib, orasida qaymoqli nachinka mavjud. Nachinka yashil, shirinlikning o‘zi esa pushti rangda. Shuningdek, shirinlik yuzasiga albomning belgilari ham tushirilgan.
“Ledi Gaga x Oreo” shirinliklari qachon sotuvga chiqarilishi aniq emas, ammo qo‘shiqchi imkon boricha buni tezroq amalga oshirishga va’da bergan. Bundan tashqari, shirinlik ta’mi ham hanuzgacha sirligicha qolmoqda.
Izoh (0)