Disney kompaniyasi 2021-yilning birinchi yarim yilligida 32 ming xodimini ishdan bo‘shatishga tayyorlanmoqda. Bu haqda Disney tomonidan Qimmatli qog‘ozlar va birja komissiyasiga berilgan hujjatlarga tayanib, Reuters xabar berdi.
Xodimlarning qisqartirilishi, asosan, AQSh va dunyoning boshqa davlatlaridagi parklarga taalluqli.
Sentabr oxirida Disney xodimlarini qisqartirish rejasi haqida ma’lum qilgan, biroq o‘sha vaqtda 28 ming ishchi haqida gap ketgandi. Disney’ning yana turli bo‘linmalaridagi 37 mingga yaqin xodimi majburiy ta’tilga chiqarilgan.
2020-yilda koronavirus tarqalishining oldini olish yo‘lida qabul qilingan choralar sabab Disneyland’lar uzoq vaqt ishlamay qolgan. Disney’ning Kaliforniyadagi parki hamon yopiq, Floridadagi Disneyland o‘z ishini qayta boshlagan, biroq tashrif buyuruvchilar uchun qattiq karantin talablari belgilangan. Fransiyada park ochilgan edi, ammo yangi karantin e’lon qilingani sabab yana yopilgan.
Izoh (0)