SARS-CoV-2 virusi odamlarga bir yoki bir necha turga mansub hayvonlardan yuqqan bo‘lishi mumkin. Kasallik hayvonlar organizmiga moslashib ketgan, degan Jahon sog‘liqni saqlash tashkiloti laboratoriyasi eksperti Frank Konings tashkilotning rasmiy Twitter’ida o‘tkazilgan savol-javob shaklidagi onlayn-sessiyada.
“Ikkita taxminiy ssenariy mavjud. Birinchisiga ko‘ra, virus to‘g‘ridan to‘g‘ri ko‘rshapalaklardan odamga yuqqan yoki tezda to‘liq moslashgan. Bu sodir bo‘lishi mumkin bo‘lgan, ammo ehtimoli juda kam taxmin. Ikkinchi ssenariy bo‘yicha virus ko‘rshapalaklardan bir yoki bir nechta boshqa hayvonlarga yuqqan, ular organizmiga moslashgan, so‘ngra odamlarga o‘tib ketgan”, — deydi u.
Koningsning qayd etishicha, odamga moslashmagan virus versiyasini topishning imkoni bo‘lsa, bu odamlar zararlanishi uchun muhim o‘zgarishni o‘rganish va koronavirusga qarshi samarali vaksina yoki dorilar yaratishda qo‘l keladi.
Ekspertning so‘zlariga ko‘ra, hozirda turli jonivorlarda, xususan, qishloq xo‘jaligi va uy hayvonlarida tadqiqotlar olib borilmoqda. Ularning kasallikni yuqtirib olish xavfi va virus uchun rezervuar bo‘lish ehtimoli aniqlanmoqda. Kelajakda ular uchun ham alohida vaksina ishlab chiqilishi mumkin.
“Mushuklar va itlarning virus bilan zararlanishga qisman moyilligi borligini bilamiz. Virus yaqin kelajakda atrofimizda aylanib yuradigan bo‘lsa, hayvonlarni emlash yaxshi g‘oya bo‘ladi. Ayrim uy hayvonlari koronavirus yuqtirib olishga moyil, biroq qorako‘zanlarchalik emas. Ular kasallanmaydi, virusni yengil yuqtiradi, o‘zlari ham zararlanishi mumkin”, — degan ekspert.Butun dunyoda COVID-19 koronavirus infeksiyasini yuqtirib olganlar soni 60 milliondan oshgan, 1,4 milliondan ortiq bemor kasallik asoratlari oqibatida vafot etgan. Kasallanish eng ko‘p qayd etilgan davlatlar AQSh, Hindiston, Braziliya bo‘lib turibdi, ularning ortidan Fransiya, Rossiya, Ispaniya, Buyuk Britaniya, Italiya, Argentina va Kolumbiya bormoqda.
Izoh (0)