Ledi Gaga taxallusi ostida ijod qiladigan Stefani Joan Anjelina Jermanotta rejissor Devid Litch filmida rol ijro qiladi. Bu haqda Vogue xabar beradi.

2018-yilda “Star is born” (Yulduz tug‘ildi) filmida Bredli Kuper bilan birga bosh qahramonni gavdalantirgan, shuningdek, premyerasi 2021-yilda bo‘lishi rejalashtirilgan Ridli Skottning Guchchi fojiasi haqidagi filmida ham suratga tushgan xonanda arsenalidagi filmlar soni yana bittaga ko‘payadi.

U suratga tushishi ma’lum qilingan “Bullet Train” (Tezyurar poyezd) deb nomlangan film mashhur yapon romani — “Maria Beetle” asosida suratga olinadi. Unda Tokio poyezdidagi qotillik guruhi haqida hikoya qilinadi. Ssenariyga Zak Olkevich mas’ul, deyiladi xabarda.

Qo‘shimcha qilinishicha, “Oskar” mukofoti sovrindori bo‘lgan, 34 yashar Ledi Gaga filmda ikkinchi darajali rolni ijro qiladi. Bosh qahramon rolini esa Bred Pitt gavdalantiradi. Shuningdek, filmda Joi King, Aaron Teylor-Jonson, Zazi Bits, Maykl Shennon, Brayan Tayri Genri hamda Endryu Kodzi va Masi Oka qatnashadi. Film premyerasi qachon bo‘lishi ma’lum qilinmagan.