Keshbek o‘zbekistonliklarning hayotiga jadal kirib keldi. Keshbek deganda muayyan to‘lovning ma’lum qismini ballar, bonuslar va hatto haqiqiy pullar bilan qaytarib olish tushuniladi. InfinBANK sizning pullaringizni tejay olishiga ishonadi va keshbek haqida batafsil ma’lumot berishga oshiqadi.
O‘tgan asrning 70-yillaridan
Xippilar, jins, kompyuter inqilobi va pank-rokni yaratgan davr keshbekka ham asos solgan. Yirik amerikalik va yevropalik supermarketlar xaridorga xarid miqdorining ma’lum qismini qaytarish mexanizmini o‘ylab topganlar. Nou-xau kredit kartalardan foydalanishni, buning natijasida esa do‘kon inkassatsiya qiladigan naqd pul aylanmasini qisqartirishni targ‘ib qilgan. Vaqt o‘tib keshbek g‘oyasi supermarketlar qamrovidan tashqariga chiqib, Internet tarmog‘iga ham tatbiq etildi. Avvalboshda keshbekka elektron tijorat bozori biroz shubha bilan qaradi: Yaponiyaning elektron tijoratga ixtisoslashgan Rakuten kompaniyasi aksiyalarining qiymati u Ebates.com nomli keshbek xizmatini sotib olganini e’lon qilganidan keyin 4%ga tushib ketdi. Hozirgi kunga kelib ko‘plab mamlakatlar keshbekni va’da qiluvchi turli kuponlar-u, yuzlab xizmatlar davrini boshdan kechirgan.
Keshbekning siri
Keshbek servis – bu internet-do‘konlarga har xil havolalarni o‘z ichiga olgan sayt. Xizmatdan foydalanish uchun ro‘yxatdan o‘tish, shaxsiy kabinet ochish va faqat tizimga kirgan holda xaridlarni amalga oshirish lozim.
Odatda bu quyidagi tartibda ishlaydi:
- xizmat mijozlarni jalb qilish hisobiga bisnes bilan o‘zaro manfaatli kelishuvni imzolaydi, biznes esa bunga javoban foydaning muayyan qismini bonus sifatida ajratadi.
- xaridor havola orqali do‘kon saytiga kirib buyurtma berganda, xarid miqdorining ma’lum foizi, ya’ni ballar yoki haqiqiy pullar mijozning xizmatdagi hisobiga kelib tushadi. Olingan foydani faqat xizmat doirasida sarf etish mumkin bo‘ladi.
Odatda pullar hisobga ma’lum vaqtdan keyin, do‘kon xaridor keshbekni olib, mahsulotni qaytarmasligiga amin bo‘lgach, kelib tushadi. Ehtimol, shu sababli mijozlar keshbekka u qadar ishonch bilan qarashmaydi.
Bizda keshbek qanday ishlaydi?
2020-yilning yoz oylarida InfinBANK ilovasidagi bir qator xizmatlar 2% ko‘rinishidagi yashil nishon bilan belgilana boshladi. Bu foydalanuvchilar ilova ichida to‘lovni amalga oshirib, maxsus hamyonga qaytarib olishi mumkin bo‘lgan keshbek miqdorini bildiradi.
“Nega faqat 2%? Bu juda oz-ku, qaniydi 50% bo‘lganda” – bu va’dalar ko‘p hollarda reallikdan uzilgan xorijdagi keshbek-servislari foydalanuvchilari bildiradigan ehtimoliy munosabat. Bu holatga: toma-toma ko‘l bo‘lur, degan ajoyib ibora g‘oyatda mos keladi.
Bankimizning shiori: “mijoz – bizning asosiy qadriyatimiz” bo‘lib, biz to‘lovni kafolatlaymiz, shu bois keshkek miqdori bank ilovasi orqali o‘tkazilgan operatsiyalar uchun oladigan komissiya miqdoriga tengdir. Deylik, siz ilova orqali uyali aloqa xizmatiga pul to‘ladingiz. Uyali aloqa kompaniyasi olingan to‘lovdan bankka komissiya o‘tkazadi – uning bir qismi bankda qoladi, bir qismi to‘lov tizimiga (Visa, MasterCard, Uzcard, Humo va boshqalar) o‘tadi. InfinBANK mijoz foydasiga o‘z komissiya foizidan voz kechib, sizga o‘z pullaringizni qaytaradi. Ushbu pul ilovada avtomatik ravishda ochiladigan maxsus keshbek-hamyonga kelib tushadi. Keshbekni haqiqiy pul shaklida qabul qilib, siz uni kartaga o‘tkazishingiz va o‘zingiz istagancha sarflashingiz mumkin.
InfinBANK ilovasida mahsulot va xizmatlarga to‘lovni amalga oshirish funksiyasidan foydalaning va sarflangan pullarning 2 foizini* hamyoningizga qaytaring. Agar hali ham ilovani telefoningizga o‘rnatmagan bo‘lsangiz, uni hoziroq yuklab oling: http://onelink.to/8kvu7a
*Faqat InfinBANK chiqargan karta egalari uchun
Reklama huquqi asosida.
Izoh (0)