Кэшбэк ўзбекистонликларнинг ҳаётига жадал кириб келди. Кэшбэк деганда муайян тўловнинг маълум қисмини баллар, бонуслар ва ҳатто ҳақиқий пуллар билан қайтариб олиш тушунилади. InfinBANK сизнинг пулларингизни тежай олишига ишонади ва кэшбэк ҳақида батафсил маълумот беришга ошиқади.
Ўтган асрнинг 70 йилларидан
Хиппилар, жинс, компьютер инқилоби ва панк-рокни яратган давр кэшбэкка ҳам асос солган. Йирик америкалик ва европалик супермаркетлар харидорга харид миқдорининг маълум қисмини қайтариш механизмини ўйлаб топганлар. Ноу-хау кредит карталардан фойдаланишни, бунинг натижасида эса дўкон инкассация қиладиган нақд пул айланмасини қисқартиришни тарғиб қилган. Вақт ўтиб кэшбэк ғояси супермаркетлар қамровидан ташқарига чиқиб, Интернет тармоғига ҳам татбиқ этилди. Аввалбошда кэшбэкка электрон тижорат бозори бироз шубҳа билан қаради: Япониянинг электрон тижоратга ихтисослашган Ракутен компанияси акцияларининг қиймати у Ebates.com номли кэшбэк хизматини сотиб олганини эълон қилганидан кейин 4%га тушиб кетди. Ҳозирги кунга келиб кўплаб мамлакатлар кэшбэкни ваъда қилувчи турли купонлар-у, юзлаб хизматлар даврини бошдан кечирган.
Кэшбэкнинг сири
Кэшбэк сервис – бу интернет-дўконларга ҳар хил ҳаволаларни ўз ичига олган сайт. Хизматдан фойдаланиш учун рўйхатдан ўтиш, шахсий кабинет очиш ва фақат тизимга кирган ҳолда харидларни амалга ошириш лозим.
Одатда бу қуйидаги тартибда ишлайди:
- хизмат мижозларни жалб қилиш ҳисобига биснес билан ўзаро манфаатли келишувни имзолайди, бизнес эса бунга жавобан фойданинг муайян қисмини бонус сифатида ажратади.
- харидор ҳавола орқали дўкон сайтига кириб буюртма берганда, харид миқдорининг маълум фоизи, яъни баллар ёки ҳақиқий пуллар мижознинг хизматдаги ҳисобига келиб тушади. Олинган фойдани фақат хизмат доирасида сарф этиш мумкин бўлади.
Одатда пуллар ҳисобга маълум вақтдан кейин, дўкон харидор кэшбэкни олиб, маҳсулотни қайтармаслигига амин бўлгач, келиб тушади. Эҳтимол, шу сабабли мижозлар кэшбэкка у қадар ишонч билан қарашмайди.
Бизда кэшбэк қандай ишлайди?
2020 йилнинг ёз ойларида InfinBANK иловасидаги бир қатор хизматлар 2% кўринишидаги яшил нишон билан белгилана бошлади. Бу фойдаланувчилар илова ичида тўловни амалга ошириб, махсус ҳамёнга қайтариб олиши мумкин бўлган кэшбэк миқдорини билдиради.
«Нега фақат 2%? Бу жуда оз-ку, қанийди 50% бўлганда» – бу ваъдалар кўп ҳолларда реалликдан узилган хориждаги кэшбэк-сервислари фойдаланувчилари билдирадиган эҳтимолий муносабат. Бу ҳолатга: тома-тома кўл бўлур, деган ажойиб ибора ғоятда мос келади.
Банкимизнинг шиори: «мижоз – бизнинг асосий қадриятимиз» бўлиб, биз тўловни кафолатлаймиз, шу боис кешкек миқдори банк иловаси орқали ўтказилган операциялар учун оладиган комиссия миқдорига тенгдир. Дейлик, сиз илова орқали уяли алоқа хизматига пул тўладингиз. Уяли алоқа компанияси олинган тўловдан банкка комиссия ўтказади – унинг бир қисми банкда қолади, бир қисми тўлов тизимига (Visa, MasterCard, Uzcard, Humo ва бошқалар) ўтади. InfinBANK мижоз фойдасига ўз комиссия фоизидан воз кечиб, сизга ўз пулларингизни қайтаради. Ушбу пул иловада автоматик равишда очиладиган махсус кэшбэк-ҳамёнга келиб тушади. Кэшбэкни ҳақиқий пул шаклида қабул қилиб, сиз уни картага ўтказишингиз ва ўзингиз истаганча сарфлашингиз мумкин.
InfinBANK иловасида маҳсулот ва хизматларга тўловни амалга ошириш функциясидан фойдаланинг ва сарфланган пулларнинг 2 фоизини* ҳамёнингизга қайтаринг. Агар ҳали ҳам иловани телефонингизга ўрнатмаган бўлсангиз, уни ҳозироқ юклаб олинг: http://onelink.to/8kvu7a
*Фақат InfinBANK чиқарган карта эгалари учун
Реклама ҳуқуқи асосида.
Изоҳ (0)