Professional boksda o‘z faoliyatini davom ettirayotgan Shohjahon Ergashev (19-0, 17 KO) 16-noyabr, dushanba kuni navbatdagi jangini o‘tkazdi.
O‘zbekistonlik bokschiga belaruslik Dmitriy Milyusha (9-4-1, 4 KO) raqiblik qildi. Moskva viloyatida o‘tkazilgan bellashuvning birinchi raundida kichik ustunlik Shohjahon tomonida bo‘ldi. Ikkinchi raundda esa belaruslik bokschi oyoq harakatlarini faollashtirdi va Ergashevning kuchli zarbasidan o‘zini bir necha bor olish qochishga erishdi.
Milyusha ikkinchi raunddan keyin ko‘krak qafasida og‘riq sezdi va shifokorlar jangni davom ettirishga ruxsat bermadi. Shu tariqa, Shohjahon texnik nokaut evaziga raqibidan ustun keldi.
Jang va nokaut videosini bu yerda tomosha qilish mumkin — video
Bu o‘zbekistonlik bokschi uchun 19-jangdagi 19-g‘alaba bo‘ldi. Shuningdek, u 17-jangini muddatidan avval yakunladi.
Izoh (0)