Urugvay futbol federatsiyasi terma jamoada uchta koronavirusga chalinish holati kuzatilgani haqida ma’lumot berdi.
Jamoa hujumchisi Luis Suares (“Atletiko”) va darvozabon Rodrigo Munyos (“Serro Portenyo”), shuningdek, jamoa xodimi Matias Faralda COVID-19 aniqlangan.
Shu tariqa ikki futbolchi JCh—2022 saralashi doirasida o‘tadigan Braziliyaga qarshi uchrashuvda ishtirok etolmaydi.
Shuningdek, Suares La Liga doirasida sobiq jamoasi “Barselona” va “Valensiya”ga qarshi o‘yinlarda ishtirok eta olmaydi. Chempionlar Ligasidan o‘rin olgan “Lokomotiv M”ga qarshi o‘yinda ishtirok etishi esa so‘roq ostida qolmoqda.
Eslatib o‘tamiz, Suares 2020-yilning yozida katalonlar safidan “Atletiko”ga o‘tgandi. 33 yoshli futbolchi joriy mavsum La Ligada 6 ta o‘yin o‘tkazib, 5 gol va bitta golli uzatma muallifiga aylandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)