O‘zbekiston oliy ta’lim muassasalarida bakalavriat va magistraturaning birinchi bosqich talabalari, shuningdek, o‘qishini ko‘chirgan talabalar uchun kontrakt pulini to‘lash muddati 2020-yil 1-dekabrgacha uzaytirildi. Bu haqda Oliy va o‘rta maxsus ta’lim vazirligi ma’lum qildi.
Vazirlikning xabar berishicha, OTMlar bakalavriati va magistraturasiga bazaviy to‘lov-kontrakt asosida talabalikka tavsiya etilgan hamda xorijiy fuqaro sifatida talabalikka tavsiya etilgan abituriyentlar, o‘qishi ko‘chirilgan (ko‘chirib tiklangan) va qayta tiklangan talabalar o‘qishi uchun to‘lov haqini o‘tkazish hamda talabalar safiga qabul qilishni rasmiylashtirishning so‘nggi muddati 2020-yilning 1-dekabri etib belgilandi.
Avvalroq O‘zbekiston oliy ta’lim muassasalarida 2020/2021-o‘quv yilidan boshlab to‘lov-kontrakt asosida tahsil olayotgan talabalar uchun to‘lovlarni teng ulushlarda to‘rt bo‘lib to‘lash imkoniyati yaratilgani haqida xabar berilgandi.
Izoh (0)