Ўзбекистон олий таълим муассасаларида бакалавриат ва магистратуранинг биринчи босқич талабалари, шунингдек, ўқишини кўчирган талабалар учун контракт пулини тўлаш муддати 2020 йил 1 декабргача узайтирилди. Бу ҳақда Олий ва ўрта махсус таълим вазирлиги маълум қилди.
Вазирликнинг хабар беришича, ОТМлар бакалавриати ва магистратурасига базавий тўлов-контракт асосида талабаликка тавсия этилган ҳамда хорижий фуқаро сифатида талабаликка тавсия этилган абитуриентлар, ўқиши кўчирилган (кўчириб тикланган) ва қайта тикланган талабалар ўқиши учун тўлов ҳақини ўтказиш ҳамда талабалар сафига қабул қилишни расмийлаштиришнинг сўнгги муддати 2020 йилнинг 1 декабри этиб белгиланди.
Аввалроқ Ўзбекистон олий таълим муассасаларида 2020/2021-ўқув йилидан бошлаб тўлов-контракт асосида таҳсил олаётган талабалар учун тўловларни тенг улушларда тўрт бўлиб тўлаш имконияти яратилгани ҳақида хабар берилганди.
Изоҳ (0)