Bugun,

  • USD 11095.31
  • RUB 173.84
  • EUR 10772.44

O‘zbekiston Qirg‘izistonning barqaror rivojlanish yo‘lidagi intilishini har tomonlama qo‘llab-quvvatlaydi. Bu haqda Prezident Shavkat Mirziyoyev Shanxay hamkorlik tashkilotiga a’zo davlatlar rahbarlari kengashi sammitida bildirdi.

“Sammitimizda hurmatli Sadir Nurxo‘jayevich Japarovni (Qirg‘iziston prezidenti vazifasini bajaruvchi — “Daryo” izohi) ko‘rib turganimdan xursandman. O‘zbekiston, yaqin qo‘shni va strategik hamkor sifatida, birodar Qirg‘izistonning xalqining barqaror rivojlanish va farovonlik yo‘lidagi intilishini har tomonlama qo‘llab-quvvatlaydi”, — degan Prezident.

Shanxay hamkorlik tashkilotiga a’zo davlatlar rahbarlari kengashining majlisi 10-noyabr kuni videoanjuman shaklida o‘tkazildi. Rossiya raisligida o‘tkazilgan ushbu uchrashuv kun tartibidan yangi global xatar va tahdidlarning kuchayishi sharoitida ShHT doirasidagi ko‘p qirrali hamkorlikni yanada mustahkamlash masalalari o‘rin olgan.

Ma’lumot uchun, Sadir Japarov 15-oktabr kuni So‘ronbay Jeenbekov Qirg‘iziston prezidentligi lavozimidan iste’foga chiqqach, Qonunchilik kengashi spikeri Kanat Isayev davlat rahbarining vazifalarini vaqtincha bajarishni rad etganidan so‘ng prezident vazifasini bajaruvchiga aylandi. U mamlakat u mamlakat rahbari vazifasini bajaruvchi vakolatlarini dekabr oyida topshiradi. Qirg‘izistonda muddatidan oldingi prezidentlik saylovlari 2021-yilning 10-yanvarida bo‘lib o‘tadi.

Avvalroq O‘zbekiston tashqi ishlar vaziri Abdulaziz Komilov Qirg‘iziston TIV rahbari  Ruslan Kazakbayev bilan uchrashib, siyosiy, savdo-iqtisodiy, investitsiya, transport-kommunikatsiya, suv xo‘jaligi va madaniy-gumanitar sohalarda O‘zbekiston–Qirg‘iziston hamkorligining hozirgi holati va uni yanada rivojlantirish istiqbollarini muhokama qilgan xabar berilgan edi.

Shu kuni Ruslan Kazakbayev O‘zbekiston bosh vaziri Abdulla Aripov bilan ham uchrashdi. Uchrashuvda savdo-iqtisodiy, sarmoyaviy, transport-logistika, madaniy-gumanitar sohalardagi hamkorlikning bugungi holati va istiqbollari hamda pandemiyaning ikki tomonlama aloqalarga salbiy oqibatlarini bartaraf etish masalalari muhokama qilindi.

Izoh
Asosiy yangiliklar
Madaniyat
“Xudodan qo‘rqmagan odamdan qo‘rqdim”. O‘zbekiston xalq artisti Bobomurod Hamdamov oilaviy nizolar tufayli ijara uyda yashamoqda (video)
Mahalliy
“Odamlar o‘limida o‘zimni aybdor hisoblamayman” — Nukusdagi tartibsizliklar yetakchisi Dauletmurat Tajimuratov
Mahalliy
Samarqandda o‘quvchining onasi “zamdirektor”ni kaltakladi