Sirdaryo viloyati Xovos tumanida to‘rt kunlik chaqaloqni sotayotgan ayollar ushlandi deya xabar qilmoqda viloyat IIB axborot xizmati.
Ma’lum qilinishicha, 2020-yilning 9-noyabr kuni Sirdaryo viloyati IIB TEQKB Odam savdosi va noqonuniy migratsiyaga qarshi kurashish bo‘limi xodimlari tomonidan Xovos tumani hududida tezkor tadbir o‘tkazilgan.
Tadbir davomida Mirzaobod tumanida yashovchi fuqaro I.S. hamda Xovos tumanida yashovchi fuqaro N.Sh. bilan o‘zaro til biriktirib, fuqaro I.S.ning 4 kunlik qiz farzandi I.K.ni Guliston shahrida yashovchi S.Z.ga 20 ming AQSh dollariga sotayotgan vaqtda tadbir ishtirokchilari tomonidan qo‘lga olingan.
Tadbir davomida I.S hamda N.Sh. ismli shaxslardan ashyoviy dalil tariqasida 20 ming AQSh dollari olingan.
Holat yuzasidan hozirgi vaqtda Sirdaryo viloyati IIB TEQKB xodimlari tomonidan tezkor tekshiruv ishlari olib borilmoqda.
Avvalroq Xivada 4 oylik qizini 120 mln so‘mga sotmoqchi bo‘lgan ayol, Samarqandda 12 nafar fuqaroning pasportini olib qo‘yib, ularni 2 yil davomida fohishalik bilan shug‘ullanishga majbur qilgan ayol hamda Termizda 2 yoshli o‘g‘lini 50 mln so‘mga sotmoqchi bo‘lgan erkak qo‘lga olingani haqida xabar berilgandi.
Izoh (0)