SpaceX kompaniyasi tomonidan kosmosga Tesla Roadster va uning Starman laqabli maneken “haydovchisi” uchirilganiga ikki yildan oshdi. Hozirda u Mars yaqinida uchib yuribdi — 0,05 astronomik birlik doirasida (8 million kilometr atrofida). Bu Qizil sayyoraning gravitatsion zonasiga kirib qolish uchun yetarli, deb yozadi “Za rulem.ru”.
Kosmosdagi parvoziga taxminan 32 oy to‘lgan avtomobil qanday ko‘rinishga kelib qolgan? LiveSciense nashri mutaxassislarining ta’kidlashicha, quyosh radiatsiyasi avtomobilning organik materiallardan ishlangan ayrim detallarini yo‘q qilib yuborgan. Olcharang bo‘yoq, rezina shinalar, charm o‘rindiqlardan asar ham qolmagan. Radiatsiya materiallarning uglerod birikmalarini yo‘q qilib yuborgani sabab ular erib ketgan.
“Yer atmosferasining himoyasi va uning magnit maydonisiz hatto plastmassa yoki uglerod tolalar ham radioaktiv kosmik makonda omon qolmaydi”, — deydi Indiana universitetidan bo‘lgan plastmassalar va organik molekulalar kimyosi bo‘yicha ekspert Uilyam Kerroll.
Oradan birmuncha vaqt o‘tgach Tesla Roadster noorganik detallardan iborat chiqindi uyumiga aylanib qoladi — alyuminiy karkas, metall shisha o‘z navbatida meteoritlar “qurboniga” aylanishi mumkin.
Shunga qaramay, Richard Sakleban ismli kimyogarning so‘zlariga ko‘ra, avtomobilni kosmosda ikki million yildan keyin ham tanish mumkin.
Eslatib o‘tamiz, 2019-yilda Ilon Maskning Tesla Roadster sportkari Quyosh atrofini aylanib chiqqan edi.
Izoh (0)