SpaceX компанияси томонидан космосга Tesla Roadster ва унинг Starman лақабли манекен «ҳайдовчиси» учирилганига икки йилдан ошди. Ҳозирда у Марс яқинида учиб юрибди — 0,05 астрономик бирлик доирасида (8 миллион километр атрофида). Бу Қизил сайёранинг гравитацион зонасига кириб қолиш учун етарли, деб ёзади «Zа rulem.ru».
Космосдаги парвозига тахминан 32 ой тўлган автомобиль қандай кўринишга келиб қолган? LiveSciense нашри мутахассисларининг таъкидлашича, қуёш радиацияси автомобилнинг органик материаллардан ишланган айрим деталларини йўқ қилиб юборган. Олчаранг бўёқ, резина шиналар, чарм ўриндиқлардан асар ҳам қолмаган. Радиация материалларнинг углерод бирикмаларини йўқ қилиб юборгани сабаб улар эриб кетган.
«Ер атмосферасининг ҳимояси ва унинг магнит майдонисиз ҳатто пластмасса ёки углерод толалар ҳам радиоактив космик маконда омон қолмайди», — дейди Индиана университетидан бўлган пластмассалар ва органик молекулалар кимёси бўйича эксперт Уильям Керролл.
Орадан бирмунча вақт ўтгач Tesla Roadster ноорганик деталлардан иборат чиқинди уюмига айланиб қолади — алюминий каркас, металл шиша ўз навбатида метеоритлар «қурбонига» айланиши мумкин.
Шунга қарамай, Ричард Саклебан исмли кимёгарнинг сўзларига кўра, автомобилни космосда икки миллион йилдан кейин ҳам таниш мумкин.
Эслатиб ўтамиз, 2019 йилда Илон Маскнинг Tesla Roadster спорткари Қуёш атрофини айланиб чиққан эди.
Изоҳ (0)