G‘ofir Jamolov Toshkent shahar hokimining o‘rinbosari — uy-joy kommunal xizmat ko‘rsatish bosh boshqarmasi boshlig‘i etib tayinlandi. Bu haqda poytaxt hokimligi matbuot xizmati xabar berdi.
G‘ofir Jamolov 1974-yilda Namangan shahrida tug‘ilgan. 1997-yilda Namangan sanoat texnologiya institutini, 2006-yilda Prezident huzuridagi davlat boshqaruvi akademiyasini tamomlagan. U hozirga qadar Uy-joy kommunal xizmat ko‘rsatish vaziri o‘rinbosari bo‘lib ishlab kelgan.
Muxtor Muhitdinov Toshkent shahar hokimi o‘rinbosari — Toshkent shahar kanallardan foydalanish va ularga tutash hududlarni obodonlashtirish boshqarmasi boshlig‘i etib tayinlandi.
Muxtor Muhitdinov 1973-yilda Toshkent shahrida tug‘ilgan. 1996-yilda Toshkent davlat texnika universitetini, 2004-yilda O‘zbekiston strategik tahlil va istiqbolni belgilash oliy maktabini tamomlagan. Muxtor Muhitdinov hozirgacha Toshkent shahar Favqulodda vaziyatlar boshqarmasi boshlig‘i sifatida ishlab kelgan.
Eslatib o‘tamiz, 2020-yilning fevralida Dada-Ali Zufarov Toshkent shahar hokimi o‘rinbosari — Mahalla va oilani qo‘llab-quvvatlash boshqarmasi boshlig‘i etib tayinlangan edi.
Avvalroq Jurnalistga tashlangani bilan tanilgan Abdurasul Vahobov Olmazor hokimi o‘rinbosari lavozimiga qayta tiklangani to‘g‘risida xabar berilgandi.
Izoh (0)