Ғофир Жамолов Тошкент шаҳар ҳокимининг ўринбосари — уй-жой коммунал хизмат кўрсатиш бош бошқармаси бошлиғи этиб тайинланди. Бу ҳақда пойтахт ҳокимлиги матбуот хизмати хабар берди.
Ғофир Жамолов 1974 йилда Наманган шаҳрида туғилган. 1997 йилда Наманган саноат технология институтини, 2006 йилда Президент ҳузуридаги давлат бошқаруви академиясини тамомлаган. У ҳозирга қадар Уй-жой коммунал хизмат кўрсатиш вазири ўринбосари бўлиб ишлаб келган.
Мухтор Муҳитдинов Тошкент шаҳар ҳокими ўринбосари — Тошкент шаҳар каналлардан фойдаланиш ва уларга туташ ҳудудларни ободонлаштириш бошқармаси бошлиғи этиб тайинланди.
Мухтор Муҳитдинов 1973 йилда Тошкент шаҳрида туғилган. 1996 йилда Тошкент давлат техника университетини, 2004 йилда Ўзбекистон стратегик таҳлил ва истиқболни белгилаш олий мактабини тамомлаган. Мухтор Муҳитдинов ҳозиргача Тошкент шаҳар Фавқулодда вазиятлар бошқармаси бошлиғи сифатида ишлаб келган.
Эслатиб ўтамиз, 2020 йилнинг февралида Дада-Али Зуфаров Тошкент шаҳар ҳокими ўринбосари — Маҳалла ва оилани қўллаб-қувватлаш бошқармаси бошлиғи этиб тайинланган эди.
Аввалроқ Журналистга ташлангани билан танилган Абдурасул Ваҳобов Олмазор ҳокими ўринбосари лавозимига қайта тиклангани тўғрисида хабар берилганди.
Изоҳ (0)