Myunxengladbaxning “Borussiya” klubi hujumchisi Markus Tyuram Fransiya milliy terma jamoasining noyabr oyidagi o‘yinlari uchun chaqiruv oldi. Bu haqda Le Parisien nashri xabar berdi.
23 yoshli Markus mamlakat bosh jamoasiga ilk bor chaqirildi. Markus Fransiya terma jamoasining sobiq a’zosi, afsonaviy Lilian Tyuramning o‘g‘li hisoblanadi. Qayd etish joiz, katta Tyuram mamlakat bosh jamoasi safida maydonga tushish bo‘yicha mutlaq rekordchi hisoblanadi. Lilian fransuz termasi bilan 142 ta o‘yinda ishtirok etgan.
Fransiya terma jamoasi 11-noyabr kuni Finlyandiya termasiga qarshi o‘rtoqlik o‘yinida ishtirok etadi. Millatlar Ligasi doirasida 14-noyabr kuni Portugaliyaga qarshi, 17-noyabrda esa Shvetsiyaga qarshi bahsda qatnashadi.
Ma’lumot uchun, Markus Tyuram 2020/21-yilgi mavsum barcha musobaqalar doirasida 10 ta o‘yinda qatnashib, 3 ta gol urdi va 5 ta golli uzatmani amalga oshirdi. Shuningdek, Kichik Tyuram Chempionlar Ligasi guruh bosqichi 2-turida “Real”ga qarshi bahsda (2:2) dublga erishdi.
Didye Desham mazkur o‘yinlarga quyidagi futbolchilarni chaqirgan:
Darvozabonlar: Benua Kostil (“Bordo”), Ugo Lyoris (“Tottenhem”), Mayk Menyan (“Lill”), Stiv Mandanda (“Marsel”).
Himoyachilar: Rafael Varan (“Real Madrid”), Lyuka Din (“Everton”), Leo Dyubua (“Lion”), Lyuka Ernandes (“Bavariya”), Presnel Kimpembe (“PSJ”), Kleman Langle (“Barselona”), Benjamen Pavar (“Bavariya”), Kurt Zuma (“Chelsi”).
Yarim himoyachilar: Ngolo Kante (“Chelsi”), Stiven Nzonzi (“Renn”), Pol Pogba (“Manchester Yunayted”), Adrian Rabyo (“Yuventus”), Mussa Sissoko (“Tottenhem”), Korenten Tolisso (“Bavariya”).
Hujumchilar: Vissam Ben-Yedder (“Monako”), Kingsli Koman (“Bavariya”), Nabil Fekir (“Betis”), Olivye Jiru (“Chelsi”), Antuan Grizmann (“Barselona”), Antoni Marsyal (“Manchester Yunayted”), Kilian Mbappe (PSJ), Markus Tyuram (“Borussiya” Myunnxengladbax).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)