Мюнхенгладбахнинг «Боруссия» клуби ҳужумчиси Маркус Тюрам Франция миллий терма жамоасининг ноябрь ойидаги ўйинлари учун чақирув олди. Бу ҳақда Le Parisien нашри хабар берди.
23 ёшли Маркус мамлакат бош жамоасига илк бор чақирилди. Маркус Франция терма жамоасининг собиқ аъзоси, афсонавий Лилиан Тюрамнинг ўғли ҳисобланади. Қайд этиш жоиз, катта Тюрам мамлакат бош жамоаси сафида майдонга тушиш бўйича мутлақ рекордчи ҳисобланади. Лилиан француз термаси билан 142 та ўйинда иштирок этган.
Франция терма жамоаси 11 ноябрь куни Финляндия термасига қарши ўртоқлик ўйинида иштирок этади. Миллатлар Лигаси доирасида 14 ноябрь куни Португалияга қарши, 17 ноябрда эса Швецияга қарши баҳсда қатнашади.
Маълумот учун, Маркус Тюрам 2020/21 йилги мавсум барча мусобақалар доирасида 10 та ўйинда қатнашиб, 3 та гол урди ва 5 та голли узатмани амалга оширди. Шунингдек, Кичик Тюрам Чемпионлар Лигаси гуруҳ босқичи 2-турида «Реал»га қарши баҳсда (2:2) дублга эришди.
Дидье Дешам мазкур ўйинларга қуйидаги футболчиларни чақирган:
Дарвозабонлар: Бенуа Костиль («Бордо»), Уго Льорис («Тоттенҳэм»), Майк Меньян («Лилль»), Стив Манданда («Марсель»).
Ҳимоячилар: Рафаэл Варан («Реал Мадрид»), Люка Дин («Эвертон»), Лео Дюбуа («Лион»), Люка Эрнандес («Бавария»), Преснел Кимпембе («ПСЖ»), Клеман Лангле («Барселона»), Бенжамен Павар («Бавария»), Курт Зума («Челси»).
Ярим ҳимоячилар: Нголо Канте («Челси»), Стивен Нзонзи («Ренн»), Пол Погба («Манчестер Юнайтед»), Адриан Рабьо («Ювентус»), Мусса Сиссоко («Тоттенҳэм»), Корентен Толиссо («Бавария»).
Ҳужумчилар: Виссам Бен-Йеддер («Монако»), Кингсли Коман («Бавария»), Набиль Фекир («Бетис»), Оливье Жиру («Челси»), Антуан Гризманн («Барселона»), Антони Марсьяль («Манчестер Юнайтед»), Килиан Мбаппе (ПСЖ), Маркус Тюрам («Боруссия» Мюннхенгладбах).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)