“Bunyodkor” bosh murabbiyi Vadim Abramov Coca-Cola Superliga 18-turining qoldirilgan o‘yini doirasida “Paxtakor”ga qarshi kechgan bahsdan (3:2) keyin o‘z fikrlarini bildirdi.
O‘yinni ishonch bilan boshlagandik, goldan keyin ustunlikni berib qo‘ydik. “Paxtakor” futbolchilari esa bundan foydalanib qolib, gol urdi. Xayriyatki, uchinchi golni ura oldik.“Bunyodkor” ushbu g‘alabadan keyin ochkolarini 36 taga yetkazib oldi va 5-o‘rinda ketmoqda. Jamoa keyingi turda “Metallurg” mehmoni bo‘ladi.Chempionat davomida bir tekis o‘yin ko‘rsatish qiyin. Yigitlar borini berdi. Ularga “Paxtakor” bizning maydonda chempion bo‘lmasligi kerakligini uqtirdik.
Bizda muammolar juda ko‘p. Lekin buni alohida aytib o‘tmoqchi emasman.
“Paxtakor”ga qarshi o‘yinda yigitlarning o‘zi ham tajovuzkorroq o‘yin ko‘rsatishga urinadi. Chunki ularda terma jamoa futbolchilari to‘p tepadi va “Paxtakor” chempionat yetakchisi. Demakki, bu normal holat.
Umid qilamizki, o‘yin muxlislarga manzur kelgan va keyingi o‘yinlarda ajiotaj kuzatilishi mumkin.
To‘xtasinov — jamoamiz yetakchisi. U qiyin vaziyatlardan gol uradi, lekin negadir, oddiy vaziyatlarda muvaffaqiyatsizlikka uchraydi.
To‘xtasinov termadan chaqiruv olmayotgani ko‘pchilikni hayron qoldiryapti? U termada o‘ynashi mumkin va nomzodlar orasida bor. Uni chaqirsam, “faqat ‘Bunyodkor’ o‘yinchilarini chaqiradi” deyishlari mumkin. Uning pozitsiyasida terma jamoada futbolchilar ko‘p. Masalan, Rashidovni ham hech chaqira olmayapmiz. Chunki uning joyida o‘ynaydigan futbolchilar ko‘p. Bozorov, Yaxshiboyev, O‘runov... Bu bir tarafdan odamni quvontiradi. Men uni yaxshi bilaman. Albatta, hammani kuzatib boramiz.
Vadim Abramov, “Bunyodkor” bosh murabbiyi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)