«Бунёдкор» бош мураббийи Вадим Абрамов Coca-Cola Суперлига 18-турининг қолдирилган ўйини доирасида «Пахтакор»га қарши кечган баҳсдан (3:2) кейин ўз фикрларини билдирди.
Ўйинни ишонч билан бошлагандик, голдан кейин устунликни бериб қўйдик. «Пахтакор» футболчилари эса бундан фойдаланиб қолиб, гол урди. Хайриятки, учинчи голни ура олдик.«Бунёдкор» ушбу ғалабадан кейин очколарини 36 тага етказиб олди ва 5-ўринда кетмоқда. Жамоа кейинги турда «Металлург» меҳмони бўлади.Чемпионат давомида бир текис ўйин кўрсатиш қийин. Йигитлар борини берди. Уларга «Пахтакор» бизнинг майдонда чемпион бўлмаслиги кераклигини уқтирдик.
Бизда муаммолар жуда кўп. Лекин буни алоҳида айтиб ўтмоқчи эмасман.
«Пахтакор»га қарши ўйинда йигитларнинг ўзи ҳам тажовузкорроқ ўйин кўрсатишга уринади. Чунки уларда терма жамоа футболчилари тўп тепади ва «Пахтакор» чемпионат етакчиси. Демакки, бу нормал ҳолат.
Умид қиламизки, ўйин мухлисларга манзур келган ва кейинги ўйинларда ажиотаж кузатилиши мумкин.
Тўхтасинов — жамоамиз етакчиси. У қийин вазиятлардан гол уради, лекин негадир, оддий вазиятларда муваффақиятсизликка учрайди.
Тўхтасинов термадан чақирув олмаётгани кўпчиликни ҳайрон қолдиряпти? У термада ўйнаши мумкин ва номзодлар орасида бор. Уни чақирсам, «фақат ‘Бунёдкор’ ўйинчиларини чақиради» дейишлари мумкин. Унинг позициясида терма жамоада футболчилар кўп. Масалан, Рашидовни ҳам ҳеч чақира олмаяпмиз. Чунки унинг жойида ўйнайдиган футболчилар кўп. Бозоров, Яхшибоев, Ўрунов... Бу бир тарафдан одамни қувонтиради. Мен уни яхши биламан. Албатта, ҳаммани кузатиб борамиз.
Вадим Абрамов, «Бунёдкор» бош мураббийи
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)