“Paxtakor” bosh murabbiyi Shota Arveladze Coca-Cola Superliganing qoldirilgan 18-turi doirasida “Bunyodkor”ga qarshi kechgan o‘yindagi (2:3) mag‘lubiyatdan keyin o‘z fikrlari bilan o‘rtoqlashdi.
O‘ylashimcha, yaxshi va qiziqarli o‘yin guvohiga aylandik. Birinchi bo‘limda ham, ikkinchi bo‘limda ham vaziyatlar ko‘p bo‘ldi. O‘yin yakuni ancha asabiy kechdi. Vaziyatlarga qarab rohatlandim, unutmaylik kerak, bu futbol.“Paxtakor” bu o‘yinda muddatidan avval chempionlikni naqd qilish imkoniyatini qo‘ldan chiqardi. Jamoa 56 ochko bilan 1-o‘rinda bormoqda. “Sherlar” keyingi turda “Qo‘qon-1912”ga qarshi bahs olib boradi.O‘yinni sakkiz kishi bo‘lib tugatdik. Ikki nafar futbolchimiz qizil kartochka oldi, futbolda bunaqasi kamdan kam sodir bo‘ladi. Kam bo‘lib ham yaxshi o‘yin ko‘rsata oldik. Bu o‘yindan saboq chiqarishimiz lozim.
Uchrashuvni tomosha qilgan muxlislar boshqalarga ham o‘yin haqida aytib berishsa kerak. “Bunyodkor” bilan har doim ochiq o‘yin bo‘ladi. Ularni tabriklayman!
Qaysi o‘rinda bo‘lishimizdan qat’i nazar, derbi — bu derbi. Bu hammaga qiziq, jumladan, futbolchilarning o‘zlariga ham.
Asabiylashish ko‘p bo‘ldi? Ha, kam bo‘lib o‘ynagandan so‘ng ko‘p joylar ochiq qoladi, emotsiyalar junbushga keladi, charchoq sezila boshlaydi. Yigitlar yosh va qiziqqon.
Shota Arveladze, “Paxtakor” bosh murabbiyi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)