Bugun,

  • USD 11095.31
  • RUB 173.84
  • EUR 10772.44

MIB Samarqand shahar bo‘limi TIF “Milliy bank” Samarqand viloyat filiali foydasiga “Xatam Story Invest” MChJdan 1 milliard 610 million so‘m kredit qarzdorligini undirib berdi. Bu haqda “Daryo”ga MIB Samarqand viloyat boshqarmasi axborot xizmati ma’lum qildi.

Fuqarolik ishlari bo‘yicha Samarqand shahar sudining 2019-yil 1-martdagi ijro varaqasida qarzdor “Xatam Story Invest” MChJ va Jonibek Rajabovga nisbatan kredit qarzdorligini undirish yuzasidan “Xatam Story Invest” MChJdan TIF “Milliy bank” Samarqand viloyat filiali foydasiga 2 milliard 53 million 55 ming so‘m miqdordagi kredit qarzini undirish belgilangan.

Undiruv garovdagi J.Rajabovga tegishli Samarqand shahar, Dahbet ko‘chasi, 14-manzilda joylashgan yerto‘lali savdo do‘koni, dorixona hamda uchinchi va to‘rtinchi qavatdagi ofis binosi qismi, birinchi va ikkinchi qavatdagi jami 20 xonadan iborat noturar joy binosiga qaratish to‘g‘risidagi ijro hujjati Byuroning Samarqand shahar bo‘limi ish yurituviga kelib tushgan va shu kunning o‘zida ijroga qaratilgan.

Amalga oshirilgan majburiy ijro harakatlari davomida garov mulki 2019-yil 13-mayda “mol-mulkni elektron onlayn auksionda sotish uchun chiqarish to‘g‘risida”gi qarorga asosan 2 milliard 500 million so‘m boshlang‘ich bahosida sotuvga chiqarilgan.

Shundan so‘ng “Xatam Story Invest” MChJ, “Afrosiyob Xosiyat Begim makoni” MChJ va boshqalarga nisbatan Jinoyat kodeksining 168-moddasi 3-qismi “a” bandi va boshqa moddalar bilan jinoyat ishi qo‘zg‘atilganligi sababli viloyat prokuraturasining 2019-yil 20-maydagi xatiga asosan vaqtincha to‘xtatilgan.

Amalga oshirilgan ijro tadbirlari davomida “Xatam Story Invest” mas’uliyati cheklangan jamiyatidan 1 milliard 610 million so‘m kredit qarzdorligi undirilib, TIF “Milliy bank” Samarqand filiali hisob-raqamiga o‘tkazib berilishi ta’minlangan.

Hozirda qarzdordan undirilmay qolgan 443 million 550 ming so‘m kredit qoldiq summasini so‘ndirish choralari ko‘rilmoqda.

Izoh
Asosiy yangiliklar
Dunyo
Putin rasmiy qarorgohida zinadan yiqilib tushgani aytilmoqda
Mahalliy
“Mashina minishni qimmatlashtirish kerak”. Doniyor G‘aniyev tirbandliklarni kamaytirish, aholini jamoat transportiga o‘rgatish uchun nimalar qilish zarurligi haqid...
Madaniyat
“Uyda yolg‘iz” filmi yulduzi shapkasi yonayotgan sahnani suratga olish paytida boshi kuyib qolgani haqida gapirdi