МИБ Самарқанд шаҳар бўлими ТИФ «Миллий банк» Самарқанд вилоят филиали фойдасига «Xatam Story Invest» МЧЖдан 1 миллиард 610 миллион сўм кредит қарздорлигини ундириб берди. Бу ҳақда «Дарё»га МИБ Самарқанд вилоят бошқармаси ахборот хизмати маълум қилди.
Фуқаролик ишлари бўйича Самарқанд шаҳар судининг 2019 йил 1 мартдаги ижро варақасида қарздор «Xatam Story Invest» МЧЖ ва Жонибек Ражабовга нисбатан кредит қарздорлигини ундириш юзасидан «Xatam Story Invest» МЧЖдан ТИФ «Миллий банк» Самарқанд вилоят филиали фойдасига 2 миллиард 53 миллион 55 минг сўм миқдордаги кредит қарзини ундириш белгиланган.
Ундирув гаровдаги Ж.Ражабовга тегишли Самарқанд шаҳар, Даҳбет кўчаси, 14-манзилда жойлашган ертўлали савдо дўкони, дорихона ҳамда учинчи ва тўртинчи қаватдаги офис биноси қисми, биринчи ва иккинчи қаватдаги жами 20 хонадан иборат нотурар жой биносига қаратиш тўғрисидаги ижро ҳужжати Бюронинг Самарқанд шаҳар бўлими иш юритувига келиб тушган ва шу куннинг ўзида ижрога қаратилган.
Амалга оширилган мажбурий ижро ҳаракатлари давомида гаров мулки 2019 йил 13 майда «мол-мулкни электрон онлайн аукционда сотиш учун чиқариш тўғрисида»ги қарорга асосан 2 миллиард 500 миллион сўм бошланғич баҳосида сотувга чиқарилган.
Шундан сўнг «Xatam Story Invest» МЧЖ, «Афросиёб Хосият Бегим макони» МЧЖ ва бошқаларга нисбатан Жиноят кодексининг 168-моддаси 3-қисми «а» банди ва бошқа моддалар билан жиноят иши қўзғатилганлиги сабабли вилоят прокуратурасининг 2019 йил 20 майдаги хатига асосан вақтинча тўхтатилган.
Амалга оширилган ижро тадбирлари давомида «Xatam Story Invest» масъулияти чекланган жамиятидан 1 миллиард 610 миллион сўм кредит қарздорлиги ундирилиб, ТИФ «Миллий банк» Самарқанд филиали ҳисоб-рақамига ўтказиб берилиши таъминланган.
Ҳозирда қарздордан ундирилмай қолган 443 миллион 550 минг сўм кредит қолдиқ суммасини сўндириш чоралари кўрилмоқда.
Изоҳ (0)