Xalq deputatlari Denov tumani kengashining 5-noyabr kungi navbatdan tashqari sessiyasida Rustam Pardayev Denov tumani hokimi etib tasdiqlandi. Bu haqda O‘zA xabar berdi.
2018-yil 11-noyabrdan buyon Denov tumani hokimi lavozimida ishlab kelayotgan Baxtiyor Ibotov vazifasidan ozod etilgan.
Rustam Pardayev 1979-yilda Qiziriq tumanida tug‘ilgan. 2006-yil Toshkent davlat iqtisodiyot universitetini tamomlagan. Ma’lumoti bo‘yicha mutaxassisligi iqtisodchi. Mehnat faoliyatini 1999-yil aksiyadorlik tijorat “Savdogarbank” Surxondaryo viloyati bo‘limida hisobchilikdan boshlagan.
2007—2014-yillarda “Mikrokreditbank” aksiyadorlik tijorat bankida turli vazifalarda ishlagan. 2017—2018-yillarda Surxondaryo viloyati iqtisodiyot va hududlarni kompleks rivojlantirish bosh boshqarmasi boshlig‘i vazifasini vaqtincha bajaruvchisi lavozimida faoliyat yuritgan. 2018—2019-yillarda Surxondaryo viloyati Investitsiyalar bosh boshqarmasi boshlig‘i, 2019-yilda — Surxondaryo viloyati Investitsiyalar va tashqi savdo boshqarmasi boshlig‘i bo‘lgan.
Lavozimga tayinlangunga qadar u viloyat hokimining moliya-iqtisodiyot va tadbirkorlik masalalari bo‘yicha birinchi o‘rinbosari lavozimida faoliyat yuritayotgan edi.
Izoh (0)