Innovatsion rivojlanish vazirligi doirasidagi xalqaro Inno Week — Innovatsion g‘oyalar haftaligi bu yil pandemiya sababli 3–8-noyabr kunlari onlayn platforma orqali o‘tkaziladi. Bu haqda 2020-yil 2-noyabrda vazirlik binosida tashkilotchilar va OAV uchun bo‘lib o‘tgan matbuot anjumanida ma’lum qilindi.
Inno Week dasturi o‘zi nima? Inno Week bu – bu mahalliy va xorijiy tadqiqot markazlari, investitsiya fondlari, texnologik agentliklar, texnoparklar va biznes-inkubatorlari uchun eng asosiy tadbirlardan biridir.
2018-yildan boshlab har yili o‘tkazilib kelinayotgan bu tadbirda mahalliy va xorijiy kompaniyalar, investorlar, xorijiy diplomatik vakolatxonalar vakillari, tadbirkorlar, shuningdek, vazirlik va idoralar vakillari va boshqalar faol ishtirok etishmoqda.
“Ko‘rgazmaning asosiy maqsadi, mahalliy va xorijiy vakillardan turli xil biznes yo‘nalishlari uchun eng ilg‘or innovatsion texnologiyalar, mahsulotlar, loyihalar, prototiplar yoki modellarni namoyish etish va targ‘ib qilish uchun ishonchli platformani yaratishdir”, – dedi Innovatsion rivojlanish vazirining raqamlashtirish va axborot texnologiyalari bo‘yicha maslahatchisi
Ma’lum qilinishicha, ushbu tadbirda 30 dan ortiq mamlakat, nufuzli xalqaro tashkilot, kompaniya vakillari shu bilan birga, Avstriya, Buyuk Britaniya, Niderlandiya, Italiya, Isroil, Rossiya, AQSH va boshqa davlatlardagi mutaxassislar qatnashishadi.
2020-yilda innovatsiya haftaligi doirasida quyidagi onlayn tadbirlarni o‘tkazish rejalashtirilgan:
- xalqaro innovatsion yarmarka;
- robototexnika bo‘yicha xalqaro chempionat;
- Osiyo-Tinch okeani texnologiyalar transferi markazi (OTTTM) bilan hamkorlikda “Mintaqaviy seminar” o‘tkaziladi.
Mazkur tadbirda qatnashish uchun ishtirokchilar Expo.innoweek.uz veb-sayti orqali ro‘yxatdan o‘tishlari aytib o‘tildi.
Izoh (0)