Инновацион ривожланиш вазирлиги доирасидаги халқаро Inno Week — Инновацион ғоялар ҳафталиги бу йил пандемия сабабли 3–8 ноябрь кунлари онлайн платформа орқали ўтказилади. Бу ҳақда 2020 йил 2 ноябрда вазирлик биносида ташкилотчилар ва ОАВ учун бўлиб ўтган матбуот анжуманида маълум қилинди.
Inno Week дастури ўзи нима? Inno Week бу – бу маҳаллий ва хорижий тадқиқот марказлари, инвестиция фондлари, технологик агентликлар, технопарклар ва бизнес-инкубаторлари учун энг асосий тадбирлардан биридир.
2018 йилдан бошлаб ҳар йили ўтказилиб келинаётган бу тадбирда маҳаллий ва хорижий компаниялар, инвесторлар, хорижий дипломатик ваколатхоналар вакиллари, тадбиркорлар, шунингдек, вазирлик ва идоралар вакиллари ва бошқалар фаол иштирок этишмоқда.
«Кўргазманинг асосий мақсади, маҳаллий ва хорижий вакиллардан турли хил бизнес йўналишлари учун энг илғор инновацион технологиялар, маҳсулотлар, лойиҳалар, прототиплар ёки моделларни намойиш этиш ва тарғиб қилиш учун ишончли платформани яратишдир», – деди Инновацион ривожланиш вазирининг рақамлаштириш ва ахборот технологиялари бўйича маслаҳатчиси
Маълум қилинишича, ушбу тадбирда 30 дан ортиқ мамлакат, нуфузли халқаро ташкилот, компания вакиллари шу билан бирга, Австрия, Буюк Британия, Нидерландия, Италия, Исроил, Россия, АҚШ ва бошқа давлатлардаги мутахассислар қатнашишади.
2020 йилда инновация ҳафталиги доирасида қуйидаги онлайн тадбирларни ўтказиш режалаштирилган:
- халқаро инновацион ярмарка;
- робототехника бўйича халқаро чемпионат;
- Осиё-Тинч океани технологиялар трансфери маркази (ОТТТМ) билан ҳамкорликда «Минтақавий семинар» ўтказилади.
Мазкур тадбирда қатнашиш учун иштирокчилар Expo.innoweek.uz веб-сайти орқали рўйхатдан ўтишлари айтиб ўтилди.
Изоҳ (0)