Savdo natijalari ma’lumotlariga ko‘ra, 3-noyabr kuni ertalab oltin narxi deyarli o‘zgarmaydi — investorlar AQShdagi prezidentlik saylovlaridan yangiliklarni kutib, faol savdolardan voz kechishni afzal ko‘rmoqda. Bu haqda “Praym”ga tayanib Spot xabar bermoqda.
Toshkent vaqti bilan 10:21 holatiga ko‘ra, Nyu-York Comex fond birjasida oltinning dekabr oyi fyucherslari narxi ramziy ma’noda 0,02 foizga yoki 0,45 dollarga — bir troya unsiyasi uchun 1892,95 dollarga o‘sdi. Kumushning dekabr oyi fyuchersi 5 foizga qimmatlab, unsiyasi 24,152 dollarni tashkil etdi.
Seshanba kuni treyderlar AQShdagi saylov uchastkalaridan yangiliklarni kutib ehtiyotkorlik qilmoqda. Prezident saylovidagi raqiblar Oq uyning amaldagi rahbari, respublikachi Donald Tramp va demokrat Jo Baydendir.
Mavzuga doir: AQShda prezident saylovlarida ovoz berish boshlandi
“Ayni paytda kayfiyat qil ustida… Saylovlar nimaga olib kelishini hech kim bilmaydi”, — degan OCBC iqtisodchisi Houi Li Reuters agentligiga. Shu bilan birga, tahlilchining qayd etishicha, saylovlar natijalari noaniqligi dollarni qo‘llab-quvvatlaydi va qisqa muddatda oltinni pasaytiradi.
ED&F Man Capital Markets tahlilchisi Edvard Meyr esa o‘z navbatida AQSh iqtisodiyoti uchun yangi moliyaviy rag‘batlantirishning yetishmasligi ham oltin narxiga ta’sir ko‘rsatishini ta’kidlagan. Agar Tramp prezidentlikka qayta saylansa, rag‘batlantiruvchi choralar yangi paketini qabul qilish kechikishi mumkin.
Avvalroq O‘zbekiston banklarida quyma oltin yombilarining sotuvi boshlangani xabar berilgan edi. Og‘irligi 5, 10, 20 va 50 gramm bo‘lgan, 999,9 soflikdagi oltindan tayyorlangan quymalar maxsus himoya qadoqlarida sotuv uchun taqdim etiladi.
Izoh (0)