Yaqin bir necha oyda dunyoda COVID-19 koronavirus tarqalishi bilan bog‘liq vaziyat juda og‘irlashadi. “RBK”ning yozishicha, bu haqda JSSTning Rossiyadagi vakili Melita Vuynovich ma’lum qildi.
“Dunyo miqyosida biz pandemiyaning inqiroz bosqichidamiz, ayniqsa, Shimoliy yarimsharda”, — degan u.
Vuynovichning ta’kidlashicha, yangi aniqlanayotgan COVID-19 holatlari soni ortib borayotgan bir paytda kasallikdan o‘limlar soni “so‘nggi vaqtlarda nisbatan barqaror bo‘lib qolmoqda”.
Shu bilan birga, JSST vakilining ogohlantirishicha, hatto COVID-19’ga qarshi vaksina va kasallikni davolash vositalari paydo bo‘lganidan keyin ham bir qator shartlar bajarilgan taqdirdagina infeksiyani yengish mumkin bo‘ladi.
“Hayotni saqlab qoluvchi ushbu vositalar nisbatan zaifroqlarga teng darajada va bir vaqtning o‘zida barcha mamlakatlarda mavjud bo‘lsagina haqiqatan ham samarali bo‘ladi”, — degan Vuynovich.
Mavzuga doir: Rossiyalik ekspert koronavirus ustidan faqat vaksina nazorat o‘rnatishi mumkinligini ma’lum qildi
“Harakat qilish uchun keskin vaziyat yetib keldi. Odamlar bir maqsad sari birlashishi lozim bo‘lgan mushkul vaziyat. Kech bo‘lmasidan fursatdan foydalanish lozim”, — degan JSST rahbari.
JSST ma’lumotlariga ko‘ra, so‘nggi 24 soat ichida dunyoda 440,5 ming kishida COVID-19 aniqlangan va kasallanganlarning umumiy soni 46 million nafardan oshgan. Pandemiya boshlanganidan buyon dunyoda qariyb 1,2 million kishi, shu jumladan so‘nggi sutkada 5,7 ming kishi vafot etgan.
Jons Hopkins ma’lumotlarida esa, dunyoda koronavirusga chalinganlar soni 47 million kishiga yaqinlashgani, kasallikdan vafot etganlar soni esa 1,2 million kishidan oshgani qayd etilgan.
Avvalroq Braziliya prezidenti pandemiya yaqinda tugashini aytgani xabar berilgandi.
Izoh (0)