Shveysariya hukumati 29-oktabrdan boshlab koronavirus pandemiyasi bilan bog‘liq karantin cheklovlarini kuchaytirdi. Bu haqda “Korrespondent.net” xabar berdi.
Foto: The Sun
Ma’lum qilinishicha, restoran, kafe va barlarga soat 23:00 dan 06:00 gacha ishlashga ruxsat berilmaydi. Avvalroq barcha yopiq binolar va jamoat transportida niqob taqish majburiy etib belgilangandi.
Endi esa niqobni ofislarda va ko‘p odam to‘planadigan va ijtimoiy masofani saqlash imkonsiz bo‘lgan ochiq osmon ostidagi joylarda ham taqish majburiy hisoblanadi. Bu rejim noma’lum muddatgacha joriy qilindi.
Shveysariya koronavirus tarqalishini sekinlashtirish uchun 18-oktabrdan karantin kuchaytirilishini e’lon qilgan, jamoat joylarida 15 nafardan ortiq odamning to‘planishi taqiqlangan.
Avvalroq koronavirus bilan bog‘liq vaziyat sababli Chexiya, Sloveniya, Daniya va Ispaniyada bir qator cheklovlar joriy qilingani haqida xabarlar berilgandi. Germaniyda esa qaytadan karantin joriy qilinadi.
