Rossiya fuqarolik aviatsiyasida qolgan yagona “Tu-154” samolyoti o‘zining eng so‘nggi parvozini amalga oshirdi, deb xabar beradi “RIA Novosti”.
Ma’lumotlarga ko‘ra, 28-oktabr kuni Alrosa aviakompaniyasiga tegishli, bort nomeri RA-85755 layner Yoqutistondagi Mirniy shahridan Novosibirskka ikki soatlik parvozni amalga oshirgan. Samolyot bortida 140 nafar yo‘lovchi bo‘lgan. Uchishga yaroqlilik bo‘yicha sertifikatining amal qilish muddati tugagan havo kemasi keyingi qaror qabul qilinguniga qadar Tolmachyova aeroportida qoladi.
Ma’lumot uchun, “Tupolyev” konstruktorlik byurosi tomonidan yaratilgan“Tu-154” samolyoti 1972-yilda ekspluatatsiyaga topshirilgan (ilk parvozni 1968-yilning oktabrida) amalga oshirgan.
Shuningdek, 1977-yilda birinchi bor “Tu-154” samolyoti Kuybishevdan (Rossiya) Toshkentga (O‘zbekiston) parvozini amalga oshirgan bo‘lib, uning ekspluatatsiyasi O‘zbekistonda 2010-yilga qadar davom etgan. “O‘zbekiston havo yo‘llari” milliy aviakompaniyasiga tegishli bo‘lgan so‘nggi “Tu-154” oxirgi marotaba 2010-yilning 31-dekabrida Toshkent—Nukus—Toshkent yo‘nalishi bo‘yicha parvozni amalga oshirgan edi.
Izoh (0)