Швейцария ҳукумати 29 октябрдан бошлаб коронавирус пандемияси билан боғлиқ карантин чекловларини кучайтирди. Бу ҳақда «Korrespondent.net» хабар берди.
Маълум қилинишича, ресторан, кафе ва барларга соат 23:00 дан 06:00 гача ишлашга рухсат берилмайди. Аввалроқ барча ёпиқ бинолар ва жамоат транспортида ниқоб тақиш мажбурий этиб белгиланганди.
Энди эса ниқобни офисларда ва кўп одам тўпланадиган ва ижтимоий масофани сақлаш имконсиз бўлган очиқ осмон остидаги жойларда ҳам тақиш мажбурий ҳисобланади. Бу режим номаълум муддатгача жорий қилинди.
Швейцария коронавирус тарқалишини секинлаштириш учун 18 октябрдан карантин кучайтирилишини эълон қилган, жамоат жойларида 15 нафардан ортиқ одамнинг тўпланиши тақиқланган.
Аввалроқ коронавирус билан боғлиқ вазият сабабли Чехия, Словения, Дания ва Испанияда бир қатор чекловлар жорий қилингани ҳақида хабарлар берилганди. Германийда эса қайтадан карантин жорий қилинади.
Изоҳ (0)