O‘zbekistonlik turkolog olim Andrey Kubatin 29-oktabr kuni vafot etdi. U koronavirusdan xastalanib, shifoxonaning jonlantirish bo‘limida davolanayotgandi. Bu haqda marhumning yaqinlariga tayanib, “Kun.uz” xabar berdi.
Andrey Kubatin 2019-yil dekabrdan buyon O‘zbekiston Fanlar akademiyasi Milliy arxeologiya markazida faoliyat yuritib kelayotgandi.
2019-yil 26-sentabr kuni Toshkent viloyati sudida Kubatinning ishi qayta ko‘rib chiqilgan va olim to‘liq oqlanib, sud zalidan ozod etilgandi. Toshkent davlat sharqshunoslik institutining katta o‘qituvchisi bo‘lib ishlagan yosh olim 2017-yili Jinoyat kodeksining 157-moddasi (davlatga xoinlik qilish) nazarda tutilgan jinoyatlarni sodir etishda ayblanib hibsga olingandi. O‘sha yili Kubatinga nisbatan 11 yilga ozodlikdan mahrum qilish jazosi tayinlangandi.
Mavzuga doir: “Sud qarorini olqishlaymiz”. O‘zbekiston Ombudsmani Andrey Kubatin ishi bo‘yicha bayonot berdi
Izoh (0)