Jinoyat ishlari bo‘yicha Toshkent viloyati sudining apellyatsiya instansiyasi ajrimi bilan 26-sentabr, payshanba kuni Andrey Kubatin oqlangani va sud zalidan ozod qilingani haqida avval xabar berilgan edi. U 2017-yili Jinoyat kodeksining 157-moddasi (davlatga xoinlik qilish) bo‘yicha sudlanib, besh yilga ozodlikdan mahrum etilgan edi.
Mavzuga doir: Vatanga xiyonatda ayblanib hibsga olingan olim Andrey Kubatin to‘liq oqlanib, sud zalidan ozod etildi
“Uchrashuv yakunlari bo‘yicha O‘zbekiston Bosh prokuraturasi va Oliy sudiga Ombudsmanning tegishli murojaati yo‘llangan edi. Ombudsman o‘z murojaatlarida Andrey Kubatinning Vatanga daxldorlik hissi va Prezident Shavkat Mirziyoyev rahbarligida amalga oshirilayotgan islohotlarni ro‘yobga chiqarishda faol ishtirok etishga tayyorligi, davlat va jamiyatning rivoji yo‘lida mehnat qilishi haqidagi so‘zlarini alohida qayd etib o‘tgandi”, — deyiladi Ombudsman bayonotida.Qayd etishlaricha, Ombudsman vakillari sudning instansiya apellyatsiyasi majlislarida qatnashgan. “Ombudsman sud qarorini olqishlaydi”, — deya qo‘shimcha qilingan Oliy Majlisning Inson huquqlari bo‘yicha vakili bayonotida.
Izoh (0)