“Barselona” va “Milan” klublari sobiq hujumchisi Ronaldinyo koronavirusga yo‘liqdi. Bu haqda braziliyalik sobiq o‘yinchining o‘zi ma’lum qildi.
“Men shanba kuni Belu-Orizontida edim, Auto Truck kompaniyasining tadbirida qatnashish uchun kelgandim. Tashkilotchilarning iltimosiga ko‘ra koronavirusga test topshirdim, u virusga ijobiy xulosa berdi.
Menda hammasi joyida, kasallik alomatlarsiz o‘tmoqda, biroq marosimni tark etishimizga to‘g‘ri keladi. Hammangizni quchib qolaman”, — deydi Ronaldinyo.
Eslatib o‘tamiz, mart oyi boshlarida 40 yoshli braziliyalik akasi bilan Paragvay hududiga soxta pasport bilan kirganligi uchun hibsga olingandi. Shundan keyin ular 32 kun davomida qamoqda saqlandi va keyinchalik Asunsyondagi mehmonxonada uy qamog‘iga olindi. U yerdan sobiq futbolchi va uning akasi avgust oyi oxirida ozod etildi.
Mavzuga doir:
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)