UFC prezidenti Deyna Uayt yengil divizion chempioni Habib Nurmagomedovning faoliyatini yakunlagani borasidagi qaroriga munosabat bildirdi.
“U qaytadi deb o‘ylamayman. Eshiting, agar inson urishishni xohlasa, u urishadi. Istamasa, demak, jang qilmaydi. Keling, unga ozgina vaqt beramiz. Yaralarini tuzatsin. Men jarohatlar haqida aytmayapman, bu ruhiy holat bilan bog‘liq. U otasining o‘limi tufayli qabul qilib olgan qalb yaralaridan forig‘ bo‘lsin”, — deydi Uayt.
Eslatib o‘tamiz, 24-oktabr kuni Abu-Dabidagi (BAA) “Jangchilar oroli”da bo‘lib o‘tgan musobaqa asosiy jangida Habib Nurmagomedov va Jastin Getji o‘zaro to‘qnash keldi. Unda rossiyalik sportchi ikkinchi raundda raqibiga bo‘g‘ish usulini qo‘llab g‘alaba qozondi. Jangdan keyin Habib faoliyatini yakunlashini ma’lum qildi.
UFC 254 musobaqasi barcha janglarini bu yerda tomosha qilish mumkin — video.
Izoh (0)