Jastin Getjiga qarshi jangdan oldin Habib Nurmagomedovning tepki kasalligiga chalingani ma’lum bo‘ldi

Yengil vazn toifasida UFC chempioni Habib Nurmagomedovning murabbiyi Xavyer Mendes Jastin Getjiga qarshi jangdan avvalgi tayyorgarlik jarayoni haqida gapirdi.

Bu tayyorgarlik tomondan olib qaralganda eng yomon mashg‘ulot lageri bo‘ldi. Omadimiz kelmadi. Mashg‘ulotlar lagerida stafilokokk “kezib yurdi” va ko‘pchilik kasallandi, shuningdek, tepki kasali bilan ham og‘ridik. Mashg‘ulotlardan ikki hafta oldin Habib tepki bilan og‘ridi. Men xavotirga tushdim. Shu tufayli u dastlabki haftada yengil mashg‘ulot o‘tkazdi, keyin esa oyoq barmog‘ini sindirib oldi.

Natijada u yana mashg‘ulotlardan chetda qoldi. Bu juda og‘ir jarayon bo‘ldi, biroq Habib menga shunday dedi:

“Murabbiy, balki, barmog‘im singandir, biroq aqlim joyida”. Unga buni bilishimni aytdim. U nima bo‘lishidan qat’i-nazar barcha qiyinchiliklarni yengib o‘ta olishini bilardim.

Xavyer Mendes, murabbiy

Eslatib o‘tamiz, Habib Nurmagomedov 24-oktabr kuni Abu-Dabidagi (BAA) “Jangchilar oroli”da bo‘lib o‘tgan musobaqada Jastin Getjini mag‘lubiyatga uchratdi. Jangdan keyin rossiyalik sportchi faoliyatini yakunlashini ma’lum qildi.

UFC 254 musobaqasi barcha janglarini bu yerda tomosha qilish mumkin — havola.