AQSh prezidenti Donald Tramp 24-oktabr kuni Florida shtatining Vest-Palm-Bich shahrida bo‘lib o‘tgan prezidentlik saylovlarida muddatidan oldin ovoz berdi. To‘g‘ridan to‘g‘ri translyatsiya prezidentning saylovoldi shtabining YouTube kanalida amalga oshirildi, deya xabar bermoqda “RIA Novosti”.
Tramp saylov okrugiga rafiqasi Melaniyasiz yetib kelgan. Niqob taqqan prezident oz sonli odamlar hamrohligida saylov uchastkasiga kirgan. U jurnalistlarni ovoz berish yaxshi tashkil etilgan va xavfsiz o‘tganiga ishontirdi.
“Men Tramp ismli yigitga ovoz berdim”, – dedi prezident.
Ma’lumot uchun, AQShda prezident saylovi 3-noyabr kuni bo‘lib o‘tadi. Bir nechta shtatlarda muddatidan oldin ovoz berish boshlangan.
Avvalroq The New York Times Rossiya Trampga yordam berish uchun AQShdagi saylovlarga aralashayotganini ma’lum qilgandi.
Izoh (0)