«Тахтлар ўйини» сериали кўпгина ёш актёрлар учун шуҳрат оламига чипта бўлиб хизмат қилди. Сериал уларни бутун дунёга машҳур қилиб юборгани шубҳасиз. Хўш, картинада от ва аждарларда юриб кўрган қаҳрамонлар ҳаётда қандай автомобилдан фойдаланади? Юлдузлар гаражига саёҳат қилиб, бу ҳақда тўлиқ маълумотга эга бўлиш мумкин.
Нед Старк – Шон Бин
Автомобиль: Ford Ranger
Шон Бин сериалга суратга тушмасидан ҳам аввал машҳурликка эришган актёрлардан бири. У ижро этган образлар одатда картина охиригача етиб бормайди. «Тахтлар ўйини»да ҳам шундай воқеа рўй берди. Шон ҳаётда кўплаб автоуловларни бошқаришга муваффақ бўлди. Аммо ҳозирда актёрнинг Ford Ranger бошқараётганини кўриш мумкин. Энди у кимдир машинасига зарар беришдан хавотир олмайди.
Тормунд – Кристофер Хивью
Автомобиль: Porsche Boxster
Сериал орқали томошабинларга танилган актёр Кристофер Хивью чиройли машиналарни яхши кўради. Ажабланарлиси шундаки, қўпол қаҳрамон образида намоён бўлган актёр ҳаётда оппоқ машинани бошқаради. Porsche Boxster, албатта, Хивьюнинг характерига ҳам жуда мос келади.
Маргери Тирелл – Натали Дормер
Автомобиль: Toyota Prius ва 1963 йилги Aston Martin DB5
Натали Дормер сериалда Маргери Тирелл қаҳрамони ролида намоён бўлмасидан аввал ҳам Англияда машҳур актрисалардан бири эди. Актриса классик услубидаги машиналарни хуш кўради. Унинг иккита автомобили мавжуд бўлиб, бири Toyota Prius, иккинчиси 1963 йилда тўлиқ таъмирланган Астон мартин DB5.
Кхал Дрого – Жейсон Момоа
Автомобиль: Range Rover ва Land Rover Defender
Актёр сериалга қадар бир қанча фильмларда рол ижро этган бўлса-да, унчалик машҳур эмасди. Жейсон ҳаётда ҳам фильмлардаги қаҳрамонига жуда ўхшайди. Унинг гаражида Range Rover ва Land Rover Defender машиналари, шунингдек, мотоцикллари ҳам бор.
Теон Грейжой – Альфи Аллен
Автомобиль: Mercedes-Benz GLC
Санъаткорлар оиласи аъзоси Альфи Аллен Лондонда Mercedez-Benz GLC русумли автомашинани бошқараётган бўлса-да, у аслида кимга тегишли экани номаълум. Чунки актёрнинг ўзи автомобилларга пул сарфлашдан фойда йўқлигини таъкидлаган.
Серсея Ланнистер – Лина Хиди
Автомобиль: Audi А7, Jeep Cherokee, Tesla Model S, Chrysler 300
Сериалдаги муваффақиятга эришган актрисалардан бири. Шунинг учун унда автомобиллар тўплами учун ажойиб имконият мавжуд. Бугун актрисанинг гаражида Audi А7, Jeep Cherokee, Tesla Model S, Chrysler 300 русумли машиналар мавжуд. Миш-мишларга кўра, актриса сериалдаги қаҳрамони каби йўл қоидаларига риоя қилмайди.
Тирион Ланнистер – Питер Динклэйж
Автомобиль: Chrysler 300
Питер чиндан ҳам машина бошқарувини яхши кўриши ва ўзи учун мослаштирилган бир нечта машинага эга бўлиши мумкин. Кундалик қатнов учун актёр кўпинча автомат узатмага эга бўлган тўлқи ғилдиркали Chrysler 300’ни маъқул кўради.
Санса Старк – Софи Тернер
Автомобиль: Porsche Panamera, Audi А7, Volvo V90, Audi R8
Актриса сериалга суратга тушиш жараёнида параллел равишда бошқа картиналарда ҳам иштирок этди. Аммо у «Тахтлар ўйини»дек томошабинларни завқлантирмади. Шунинг учун ҳам сераилдан келган даромад бир неча автомобиллар сотиб олиш имконини берди. Унинг коллекциясини Porsche Panamera, Audi A7, Volvo V90, Audi R8 каби машиналар ташкил этади.
Дейнерис Таргариен – Эмилия Кларк
Автомобиль: Audi Q3, Audi A8, Mercedes-Benz CLK-Class, Aston Martin DB9
Фильмлардаги роллари учун 2 миллион доллар гонорар олган актриса автомобиллар коллекциясини яратиш учун етарлича маблағ тўплаган эди. Унинг гаражида Audi Q3, Audi A8, Mercedes-Benz CLK-Class, Aston Martin DB9 каби машиналар мавжуд. Гарчи улар аждаҳо бўлмаса-да, одамлар учун энг яхши транспорт воситаларидан биридир.
Жон Сноу – Кит Харингтон
Автомобиль: Jaguar F-Type, Infiniti Q60, Land Rover Defender 90
Актёрнинг севимли машинаси Triumph Тҳрухтон. Унинг коллекциясидан Jaguar F-Type, Infiniti Q60, Land Rover Defender 90 каби машиналар ўрин олган. Jaguar F-Type ва Infiniti Q60 машинаси эса тўй совғаси сифатида ҳадя этилган.
Изоҳ (0)