Futbol bo‘yicha Coca-Cola Superliganing qoldirilgan 17-tur o‘yini doirasida “Paxtakor” 21-oktabr, chorshanba kuni “So‘g‘diyona”ga qarshi bahs yuritdi.
Birinchi bo‘limga qo‘shib berilgan vaqtda Dragan Cheran yaqin masofadan darvozani ishg‘ol qilib, hisobni ochdi.
75-daqiqada Doston Hamdamov “sherlar”ning ikkinchi golini urdi. Qolgan vaqtda hisob o‘zgarmadi.
Mazkur g‘alabadan keyin Shota Arveladze shogirdlarining ochkolari 47 taga yetkazib oldi va jamoa birinchi o‘rinni mustahkamladi. “So‘g‘diyona” (24) esa 9-o‘rinda qoldi.
Coca-Cola Superliga
17-tur bahsi
21-oktabr, chorshanba
“Paxtakor” — “So‘g‘diyona” 2:0
Gollar: 1:0 – 45+2 Cheran, 2:0 – 75 Hamdamov.“Paxtakor”: Eldor Suyunov, Hojiakbar Alijonov (Akrom Komilov, 63), Jaloliddin Masharipov (Hojimat Erkinov, 79), Dragan Cheran, Igor Sergeyev (Eren Derdiyok, 63), Yegor Krimets, Dostonbek Hamdamov, Odiljon Hamrobekov (Vladimir Kozak, 79), Sherzod A’zamov, Sardor Sobirxo‘jayev (Abrorbek Ismoilov, 63), Farruh Sayfiyev.
“So‘g‘diyona”: Shirinboy Abdullayev, Iskandar Shoyqulov, Ayubxon No‘‘monov, Sanjar Rashidov (Jasur Hasanov, 46), Jamshid Boltaboyev, Shohruz Norxonov (Bahodir Nasimov, 72), Daniel Nasriddinov (San’at Shixov, 65), Javohir Qahramonov, Shahboz Jo‘rabekov, Dian Talxatov, Marko Kolakovich.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)