Покистон шимолидаги Скарду туманида содир бўлган кўчки йўловчи ташувчи автобусни босиб қолди. Автобус ичида бўлган барча — 16 киши ҳалок бўлган, деб хабар беради Sinxua агентлиги.
«Бугун эрталаб содир бўлган кўчки йўловчи автобусини босиб қолди. Унинг ичида бўлган 16 кишининг барчаси ҳалок бўлди», — дейилади хабарда.
Скарду округи комиссарининг ўринбосари Анас Иқболнинг маълум қилишича, йўловчиларнинг барчаси маҳаллий аҳоли вакиллари бўлган. Улар уйига қайтаётган бўлган. Барча марҳумларнинг жасади топилган.
Унинг сўзларига кўра, ҳозирда йўлни тозалаш ва ҳаракатни қайта тиклаш бўйича ишлар кучайтирилган тартибга олиб борилмоқда.
Эслатиб ўтамиз, 2020 йилнинг июль ойида Покистонда поезднинг зиёратчилар автобуси билан тўқнашиши оқибатида 29 киши ҳалок бўлганди.
Изоҳ (0)