Futbol bo‘yicha Coca-Cola Superliga 19-turida “Paxtakor” 18-oktabr, yakshanba kuni “Qizilqum”ni qabul qildi.
Uchrashuvning 17-daqiqasida Eren Derdiyok “sherlar”ni oldinga olib chiqdi. 28-daqiqada Oybek Qilichevning uzoq masofadan bergan zarbasini Sanjar Quvvatov bartaraf eta olmadi.
Ikkinchi bo‘limni faol boshlagan “Paxtakor” futbolchilari taymning ikkinchi yarmiga kelib gol urishga muvaffaq bo‘ldi. 73-daqiqada Farruh Sayfiyev mezbonlarning ikkinchi golini urdi. Biroz vaqt o‘tib zaxiradan maydonga qo‘shilganiga ko‘p bo‘lmagan Abror Ismoilov yakuniy hisobni o‘rnatdi.
17 ta o‘yinda 44 ochko to‘plagan “Paxtakor” musobaqa yetakchiligini qaytarib oldi. “Qizilqum” (17) esa 11-pog‘onada bormoqda.
Shota Arveladze shogirdlari keyingi turda “Surxon” maydoniga safar qiladi. Hamidjon Aktamov jamoasi esa “Lokomotiv”ni qabul qiladi.
Uchrashuvdagi gollarni bu yerda ko‘rish mumkin → havola.
Coca-Cola Superliga
19-tur bahsi
18-oktabr, yakshanba
“Paxtakor” — “Qizilqum” 3:1
Gollar: 1:0 – 17 Derdiyok, 1:1 – 28 Qilichev, 2:1 – 73 Sayfiyev, 3:1 – 76 Ismoilov.“Paxtakor”: Sanjar Quvvatov, Hojiakbar Alijonov (Akrom Komilov, 81), Anzur Ismoilov, Jaloliddin Masharipov, Dragan Cheran, Doston Hamdamov (Hojimat Erkinov, 75), Odiljon Hamrobekov, Sherzod A’zamov, Sardor Sobirxo‘jayev (Abrorbek Ismoilov, 75), Farruh Sayfiyev, Eren Derdiyok (Igor Sergeyev, 69).
“Qizilqum”: Ignatiy Nesterov, Erkin Baydullayev, Oybek Qilichev, Ruslan Margiyev, Alisher Sanoyev, Fayzullo Qambarov, Salim Mustafoyev, Sherali Jo‘rayev (Sunnatilla Abdullajonov, 85), Ibrohim Tomiva, Oleg Tolmasov, Jamshid Hasanov (Jasur Azimov, 59).
Ogohlantirishlar: Alijonov (54), Sanoyev (80).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)