Футбол бўйича Coca-Cola Суперлига 19-турида «Пахтакор» 18 октябрь, якшанба куни «Қизилқум»ни қабул қилди.
Учрашувнинг 17-дақиқасида Эрен Дердийок «шерлар»ни олдинга олиб чиқди. 28-дақиқада Ойбек Қиличевнинг узоқ масофадан берган зарбасини Санжар Қувватов бартараф эта олмади.
Иккинчи бўлимни фаол бошлаган «Пахтакор» футболчилари таймнинг иккинчи ярмига келиб гол уришга муваффақ бўлди. 73-дақиқада Фарруҳ Сайфиев мезбонларнинг иккинчи голини урди. Бироз вақт ўтиб захирадан майдонга қўшилганига кўп бўлмаган Аброр Исмоилов якуний ҳисобни ўрнатди.
17 та ўйинда 44 очко тўплаган «Пахтакор» мусобақа етакчилигини қайтариб олди. «Қизилқум» (17) эса 11-поғонада бормоқда.
Шота Арвеладзе шогирдлари кейинги турда «Сурхон» майдонига сафар қилади. Ҳамиджон Актамов жамоаси эса «Локомотив»ни қабул қилади.
Учрашувдаги голларни бу ерда кўриш мумкин → ҳавола.
Coca-Cola Суперлига
19-тур баҳси
18 октябрь, якшанба
«Пахтакор» — «Қизилқум» 3:1
Голлар: 1:0 – 17 Дердийок, 1:1 – 28 Қиличев, 2:1 – 73 Сайфиев, 3:1 – 76 Исмоилов.«Пахтакор»: Санжар Қувватов, Ҳожиакбар Алижонов (Акром Комилов, 81), Анзур Исмоилов, Жалолиддин Машарипов, Драган Черан, Достон Ҳамдамов (Ҳожимат Эркинов, 75), Одилжон Ҳамробеков, Шерзод Аъзамов, Сардор Собирхўжаев (Аброрбек Исмоилов, 75), Фарруҳ Сайфиев, Эрен Дердийок (Игор Сергеев, 69).
«Қизилқум»: Игнатий Нестеров, Эркин Байдуллаев, Ойбек Қиличев, Руслан Маргиев, Алишер Саноев, Файзулло Қамбаров, Салим Мустафоев, Шерали Жўраев (Суннатилла Абдуллажонов, 85), Иброҳим Томива, Олег Толмасов, Жамшид Ҳасанов (Жасур Азимов, 59).
Огоҳлантиришлар: Алижонов (54), Саноев (80).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)