UFC. Kori Sendhagen 2-raunddayoq Marlon Morayesni nokautga uchratdi, Ulanbekov debyut jangida g‘alaba qozondi

Toshkent vaqti bilan 11-oktabr tongida Abu-Dabidagi “Jangchilar orolida” UFC Fight Island 5 musobaqasi bo‘lib o‘tdi.

Kechaning asosiy jangi o‘ta yengil vazn toifasi vakillari Marlon Morayes va Kori Sendhagen o‘rtasida kechdi. Unda Sendhagen raqibini ikkinchi raundda nokautga uchratdi.

Shuningdek, UFC’dagi debyutini o‘tkazgan rossiyalik jangchi Tagir Ulanbekov ochkolar hisobida Bruno Silvadan ustun keldi.

Barcha janglar videosini quyidagi havola orqali tomosha qilish mumkin: HAVOLA

Asosiy kard natijalari bilan tanishing:

• Kori Sendhagen (13-2) 2-raunddagi nokaut evaziga Marlon Morayesni (23-7-1) yengdi;
• Edson Barboza (21-9) ochkolar hisobiga Makvan Amirxanidan (16-5) ustun keldi
• Marsin Tibura (20-6) ochkolar hisobida Ben Rotuellni (38-13) taslim etdi;
• Drikus dyu Plessi (15-2) 1-raunddagi nokaut evaziga Markus Peresni (12-4) yengdi;
• Tom Aspinall (9-2) 1-rauddagi nokaut evaziga Alan Bodoni (8-2) mag‘lub etdi.