UFC. Кори Сендҳаген 2-раунддаёқ Марлон Мораесни нокаутга учратди, Уланбеков дебют жангида ғалаба қозонди

Тошкент вақти билан 11 октябрь тонгида Абу-Дабидаги «Жангчилар оролида» UFC Fight Island 5 мусобақаси бўлиб ўтди.

Кечанинг асосий жанги ўта енгил вазн тоифаси вакиллари Марлон Мораес ва Кори Сендҳаген ўртасида кечди. Унда Сендҳаген рақибини иккинчи раундда нокаутга учратди.

Шунингдек, UFC’даги дебютини ўтказган россиялик жангчи Тагир Уланбеков очколар ҳисобида Бруно Сильвадан устун келди.

Барча жанглар видеосини қуйидаги ҳавола орқали томоша қилиш мумкин: ҲАВОЛА

Асосий кард натижалари билан танишинг:

• Кори Сендҳаген (13-2) 2-раунддаги нокаут эвазига Марлон Мораесни (23-7-1) енгди;
• Эдсон Барбоза (21-9) очколар ҳисобига Макван Амирханидан (16-5) устун келди
• Марсин Тибура (20-6) очколар ҳисобида Бен Ротуэллни (38-13) таслим этди;
• Дрикус дю Плесси (15-2) 1-раунддаги нокаут эвазига Маркус Пересни (12-4) енгди;
• Том Аспиналл (9-2) 1-рауддаги нокаут эвазига Алан Бодони (8-2) мағлуб этди.