Futbol bo‘yicha UEFA Millatlar Ligasi musobaqasining 3-turidan o‘rin olgan 10-oktabr, shanba kungi o‘yinlar yakunlandi.
Ispaniya terma jamoasi Madriddagi “Alfredo di Stefano” o‘yingohida Shveysariyani qabul qildi. Uchrashuvning 14-daqiqasida Mikel Oyarsabal mehmonlar himoyasidagi xatodan keyin yuzaga kelgan vaziyatda hisobni ochdi. Mazkur gol amalda o‘yin taqdirini hal qildi.
A Liga 4-guruhida Ispaniya 7 ochko bilan peshqadam bo‘lib turibdi. Shveysariya 1 ochko bilan so‘nggi pog‘onaga joylashgan.
Guruhning yana bir o‘yini Ukraina va Germaniya terma jamoalari o‘rtasida kechdi. O‘yinning 20-daqiqasida Mattias Ginter nemislarni oldinga olib chiqqan bo‘lsa, ikkinchi bo‘lim debyutida Leon Goretska mezbonlar darvozabonining qo‘pol xatosidan unumli foydalanib, jamoasining ikkinchi golini urdi.
76-daqiqada Niklas Zyule o‘z jarima maydoni ichida qo‘pol harakat qildi, natijada belgilangan penaltini Ruslan Malinovski muvaffaqiyatli bajargan holda hisobni qisqartirdi. Biroq qolgan vaqtda Andrey Shevchenko shogirdlari vaziyatni o‘nglay omadi.
Shu tariqa Germaniya terma jamoasi Millatlar Ligasi tarixidagi ilk g‘alabasini qo‘lga kiritdi. Yoaxim Lyov shogirdlari ochkolarini 5 taga yetkazib oldi va 2-o‘ringa ko‘tarildi. Ukraina (3) esa 3-o‘ringa tushdi.
UEFA Millatlar Ligasi
3-tur bahslari
10-oktabr, shanba
Ispaniya — Shveysariya 1:0
Gol: 1:0 – 14 Oyarsabal.Ispaniya: De Xea, Pau Torres, Navas, Ramos, Gayya, Ferran Torres (Rodri, 88), Merino, Oyarsabal (Xerar Moreno, 73), Olmo (Kanales, 57), Fati (Traore, 57), Buskets.
Shveysariya: Zommer, Vidmer (Gavranovich, 86), Elvedi, Rodriges, Benito (Suber, 81), Jaka, Sou (Vargas, 60), Froyler (Fernandesh, 86), Sher, Seferovich, Mehmedi (Shakiri, 60).
Ogohlantirishlar: Sher (30), Merino (64), Froyler (74).
Ukraina — Germaniya 1:2
Gollar: 0:1 – 20 Ginter, 0:2 – 49 Goretska, 1:2 – 76, penalti Malinovskiy.Ukraina: Bushan, Mikolenko, Karavayev, Zabarniy, Sobol, Kovalenko (Shaparenko, 77), Malinovskiy, Sigankov (Zubkov, 69), Sidorchuk (Makarenko, 84), Yarmolenko (Marlos, 69), Yaremchuk.
Germaniya: Noyer, Klostermann (Jan, 90), Ryudiger, Ginter, Halstenberg, Draksler (Verner, 80), Kroos, Goretska, Kimmix, Gnabri, Zyule.
Ogohlantirishlar: Malinovskiy (41), Kroos (53), Ginter (84).
Andorra — Malta 0:0
Chernogoriya — Ozarbayjon 2:0
Gollar: 1:0 – 9 Yovetich, 2:0 – 71 Ivanovich.Lyuksemburg — Kipr 2:0
Gollar: 1:0 – 12 Sinani, 2:0 – 26 Sinani.Lixtenshteyn — Gibraltar 0:1
Gol: 0:1 – 10 De Barr.Farer orollari — Latviya 1:1
Gollar: 0:1 – 25 Ikauniyeks, 1:1 – 28 Fere.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)