Germaniyaning Transfermarkt portali eng qimmat tarkibga ega terma jamoa jamoalar reytingini e’lon qildi.
Unga ko‘ra, Angliya terma jamoasi dunyoning ayni damdagi eng qimmat terma jamoasi bo‘lib turibdi. “Uchsherlar”ning umumiy qiymati 1,26 milliard yevroni tashkil etadi.
Keyingi o‘rindan Fransiya terma jamoasi (1,24 mlrd) joy olgan bo‘lsa, Germaniya (926,5 million yevro) kuchli uchlikka yakun yasagan.
Ta’kidlash joiz, top-20 ro‘yxatning 14 tasida Yevropa terma jamoalari qayd etildi. Janubiy Amerikadan Braziliya (865,3 mln yevro, 4-o‘rin), Argentina (672,2 mln yevro, 9), Urugvay (356,2 mln yevro, 12) va Kolumbiya (294,7 mln yevro, 16) ro‘yxatga kirgan. Shuningdek, Afrikaning ikki jamoasi — Senegal va Nigeriya ham top-20 dan joy olgan.
Dunyoning eng qimmat tarkibga ega terma jamoalari top-10 ligi:
- Angliya — 1,29 milliard yevro
- Fransiya — 1,24 milliard yevro
- Germaniya — 926,5 million yevro
- Braziliya — 865,3 mln yevro
- Belgiya — 773,5 mln yevro
- Ispaniya — 768,5 mln yevro
- Italiya — 758,5 mln yevro
- Portugaliya — 754,3 mln yevro
- Argentina — 672,7 mln yevro
- Niderlandiya — 555,8 mln yevro
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)