Erta turmush qurgan va 16 yoshida ona bo‘lgan Bollivud yulduzlari (foto)

Bir vaqtlar Hindistonda erta turmush qurish avj olgan edi. 13 yashar Mahatma Gandining ota-onasi uni tengdoshi Kasturbaga uylantirib qo‘ygan. Keyinroq Gandi mavjud tizim bolalar ekspluatatsiyasiga sabab bo‘lishini tushunib yetgan va qizlarni 14, yigitlarni 18 yoshda turmush qurishiga asoslangan qonun loyihasini qabul qilgan. 1978-yilda qonunga o‘zgartirish kiritilgan va turmush qurish yoshi yigitlar uchun 21, qizlar uchun 18 yosh etib belgilangan. Bollivud yulduzlari orasida ham erta turmush qurgan va ona bo‘lgan ayollar yo‘q emas. “Yandeks Dzen” platformasida erta farzandli bo‘lgan mashhur ayollar kimlar ekaniga to‘xtab o‘tildi.

Dimpl Kapadiya

Dimpl Kapadiya 1973-yilda 15 yoshida Bollivud yulduzi 31 yashar Rajesh Khannaga turmushga chiqqan.“Bobbi” filmining suratga tushish jarayonida Dimpl qizi Tvinklga homilador bo‘lgan. Rishi Kapur 2015-yilda Tvinkl Khannani tug‘ilgan kuni bilan tabriklab, quyidagicha tvit yozgan:

“Tug‘ilgan kuning bilan tabriklayman, azizam! “Bobbi” filmida onangga serenada kuylaganimda sen uning qornida bo‘lgansan”.

Dimpl va Rajeshni “Bobbi” filmining suratga olish ishlari yakunlanganidan keyin turmush qurgan, deb hisoblagan muxlislar Rishining bunday tabrigida keyin ajablana boshlagan.

Keyinchalik Rishi, Rajesh va Dimpl “Bobbi” ning suratga olinishidan avval turmush qurgani va bu vaqtda aktrisaning uch oylik homilasi bor bo‘lganini ta’kidlab, oydinlik kiritgan. Dimpl 16 yoshida, turmush o‘rtog‘ining tug‘ilgan kunida ona bo‘lgan. Ikkinchi qizini esa 20 yoshida dunyoga keltirgan.

Krishna Kapur

Raj Kapur 21 yoshida 16 yashar Krishnaga uylangan. To‘y 1946-yilda bo‘lib o‘tgan, kelasi yil esa ularning oilasida o‘g‘il farzand Randxir dunyoga kelgan. 30 yoshdan oshganda Krishna 5 farzand: Randxir, Rishi, Ranjiv hamda ikki qizi Rima va Ritaning onasi bo‘lgan.

Asha Bxosle

Xonanda Asha opasi Lata Mangeshkarning shaxsiy kotibi Ganpatrao bilan qochib ketganida 16 yoshda bo‘lgan. Ularning yashirin unashtirilgani Mangeshkar oilasini g‘azablantirgan, ular qarshilik qilgan. Lata Ashidan voz kechgan, uning farzand kutayotgani ma’lum bo‘lganidan keyingina oilaviy munosabatlar yumshagan.

Asha 16 yoshida Xemantani dunyoga keltirgan. Keyin Anand va Varsha tug‘ilgan, ammo uch farzand oilani saqlab qolishga sabab bo‘la olmagan. Asha farzandlarini olib, erini tark etgan va oradan vaqt o‘tib boshqa turmush qurgan.

Saroj Xon

Mashhur raqslar muallifi Saroj Xon 13 yoshida xoreograf Sohanlal bilan turmush qurgan. Bu vaqtda uning eri bir necha marta turmush qurgan, ammo Saroj bundan bexabar bo‘lgan. 17 yoshida 3 nafar farzandi bo‘lgan Saroj turmush o‘rtog‘ining oilasi va 4 farzandi borligidan xabar topgan. Nohaqlikka chiday olmaganidan keyin ajrashgan va o‘zini ijodga bag‘ishlagan. Oradan bir necha yil o‘tib boshqa oila qurgan Saroj hozirda Dubayda raqs institutini boshqarayotgan qizi Sukanya Xonni dunyoga keltirgan.