60 yoshda 20 yoshdek ko‘rinish mumkinmi? Yosh shunchaki raqam ekanini isbotlovchi yulduzlar (foto)

Meditatsiya, yoga, go‘zallik muolajalari — yosh ko‘rinishni saqlab qolishning bir necha usullari borligi ma’lum bo‘lsa ham, 71 yoshda 25 yashardek natijaga erishish mumkinligi hech kimning xayoliga ham kelmasligi aniq.

Vera Vong

Iyun oyida modelyer Vera Vong 71 yoshni qarshiladi. Ammo uning suratlariga nazar tashlab uning yoshini taxmin qilish mushkul. Uning nafaqat yuzi, balki qomati ham yoshiga nisbatan ancha yosh ko‘rinadi.

Iman

https://www.instagram.com/p/CAQRBhoDST_/?utm_source=ig_embed

Model va aktrisa 65 yoshiga nisbatan ancha yosh va go‘zal ko‘rinishga ega. U biznes sohasida muvaffaqiyatga erishgan ayol, sevimli ona va chiroyi e’tirof etilmay iloji yo‘q bo‘lgan ayol.

Xolli Berri

54 yashar “Oskar” mukofoti sovrindoriga qarab, u yoshlik eliksiridan foydalanadi, degan xulosaga kelish mumkin. Ko‘p vaqtini trenirovkaga sarflaydigan Xollining Instagram’dagi obunachilari uning qomati va ko‘rinishiga besh ketadi.

Kortni Koks

“Do‘stlar” seriali ilk bor efirga uzatilganiga 26 yil bo‘lgan. Ammo unda Monika rolini ijro qilgan Kortnining hozirgi qiyofasiga qarab uning 56 yosh ekaniga shubha paydo bo‘ladi.

Salma Xayek

https://www.instagram.com/p/CBbA2Ucpcet/?utm_source=ig_embed

Salmaning makiyajsiz surati yaqinda ijtimoiy tarmoqda 400 ming marta like bosilishiga sababchi bo‘lgan. 54 yashar Salma mazkur fotoda 25 yoshga kichik ko‘ringan.

Jennifer Lopes

Sevimli Jenniferning 51 yosh ekaniga hali hamon ishonib bo‘lmaydi. Xonanda va aktrisa muntazam ravishda trenirovka bilan shug‘ullanishi sabab yoshiga nisbatan yosh va sog‘lom ko‘rinadi. Uning o‘z ustida ishlashi qaddi-qomati va ko‘rinish borasida ijobiy natijaga erishishiga sababchi bo‘lgan.

Iolanda Xadid

Opa-singil Xadidlarning onasi, sobiq model Iolanda 54 yoshga o‘xshamaydi. Ko‘rinishiga nazar tashlab qizlariga go‘zallik va sarvqomatlik onasidan o‘tganini bilish mumkin.

Xaydi Klum

Xaydining suratlaridan hech kim unga 47 yosh bermaydi. Sobiq model va 4 farzandning onasi 20 yoshdagidek go‘zal va maftunkor ko‘rinadi.

Sindi Krouford

Sindi 54 yosh bo‘lishiga qaramay, jozibasi bilan hali hamon e’tibor markazida. O‘tgan yillar uning tashqi ko‘rinishiga ta’sir qilmagan, aksincha avvalgidan ham yoshroq ko‘rinadi.

Kristi Brinkli

Amerikalik sobiq model, aktrisa va tadbirkor Kristi bu yil 66 yoshni qarshiladi. Ammo bu ma’lumotga ega bo‘lmaganlar uning suratidan asl yoshi necha ekanini taxmin qilib ham, topa olmaydi. Uning tabassumi esa chiroyiga chiroy qo‘shadi.