Qaddi-qomati va go‘zalligiga minglab muxlislar havas bilan qaraydigan mashhur modellarning taomnomasi nimalardan iborat ekanligiga to‘xtalib o‘tamiz.
Sindi Krouford
Modelning tashqi ko‘rinishga qarab uning 54 yoshda ekanini taxmin qilish mushkul. Uning o‘zi metabolizm me’yorda bo‘lishi uchun muntazam ravishda ovqatlanish, och qolmaslik kerakligini ta’kidlaydi. Sindi uchun mukammal kechki ovqat: 150 gramm yog‘siz mol go‘shti, pishloq, piyoz, qo‘ziqorin, ko‘katlar, loviya, pomidor va choy qoshiq zaytun yog‘i hisoblanadi.
Miranda Kerr
Turmush o‘rtog‘i tomonidan pishirilgan kechki ovqatdan hech ham voz kecholmaydigan Miranda sevgi bilan tayyorlangan taom semirtirmasligiga ishonadi. U qon guruhiga asoslangan parhezga rioya qiladi. Uning kechki ratsionida qo‘zichoq go‘shti va barra sabzavotlarni ko‘rish mumkin.
Krissi Teygen
Model Krissi Teygen mazali va to‘yimli ovqatlanishni yaxshi ko‘radi. Uning o‘zi ko‘pincha ovqat tayyorlaydi va retseptlari bilan Instagram sahifasida bo‘lishadi. U kechki ovqatga bir bo‘lak go‘sht qo‘shilgan xumus va qaynatilgan kartoshka iste’mol qilishi mumkin. Bunday taom parhezli hisoblanmasa ham xumus o‘simlik oqsilining koni va jismoniy mashqlar bilan shug‘ullanadiganlar uchun foydali hisoblanadi.
Adriana Lima
Braziliya oshxonasini xush ko‘radigan Adriana go‘shtdan voz kecha olmagani bilan to‘g‘ri ovqatlanishga rioya qilishga harakat qiladi. U ochlikni his qilganida yeyish mumkin bo‘lgan barcha mahsulotni yeyishi mumkinligini, ammo to‘la oshqozon bilan yotish yoqmagani sabab kechki taom portsiyasi kamayishini ta’kidlaydi. Kechki ovqat sifatida u ananas, qulupnay, olma, nok va shaftolili vitaminlarga boy salat iste’mol qilishi mumkin.
Xaydi Klum
Xaydi allaqachon Nyu-York parheziga amal qilishni boshlagan. Ushbu parhezning birinchi haftasida uglevod, non va meva iste’mol qilinmaydi, keyingi haftadan esa balansli ovqatlanishga o‘tiladi. Kechki ovqatga Xaydi karamdan tayyorlangan nemischa sho‘rvani iste’mol qilishni ma’qul biladi.
Naomi Kempbell
Naomi qat’iy parhezga amal qiladiganlardan, bir necha yildan beri o‘zini ba’zi mahsulotlardan tiyadigan model, taom o‘rniga limon va qalampirli suv ichishi mumkin. Undan ovqatlanish borasida fikri so‘ralganda ananas yeyish kerakligi, yog‘ni eritish xususiyatiga ega mazkur meva kunni yakunlash va uyqudan oldin a’lo variant ekanini ta’kidlaydi.
Lara Stoun
Lara sevimli taomlari retsepti bilan bo‘lishib boradi. Kechki ovqatga model turli salatlar, xususan, arpabodiyon va o‘tlar qo‘shib tayyorlanganini yeyishni tavsiya qiladi.
Dautsen Krez
Krez ko‘p vaqtini sport zalda o‘tkazadi va ratsionini trenirovka intensivligiga qarab tuzadi. U ko‘katlar, sabzavot va baliq iste’mol qilishi; haftasiga bir marta pasta, shirinlik va shokolad o‘rniga esa yogurt yoki meva va rezavorlardan tayyorlangan muzqaymoq yeyishi mumkin. Krez kechki ovqatga uyqudan kamida 2 soat avval sabzavotlardan tayyorlangan tuzsiz salat yeydi.
Izoh (0)